ՔԱՆԻ ՓՈՔՐ ԵՒ ՄԻՋԻՆ ՁԵՌՆԱՐԿՈՒԹՅՈՒՆ Է ՓԱԿՎԵԼ ՎԵՐՋԻՆ ԱՄԻՍՆԵՐԻՆ

ՔԱՆԻ ՓՈՔՐ ԵՎ ՄԻՋԻՆ ՁԵՌՆԱՐԿՈՒԹՅՈՒՆ Է ՓԱԿՎԵԼ

ՎԵՐՋԻՆ ԱՄԻՍՆԵՐԻՆ

Վերջին ամիսներին պարբերաբար ենք լսում, որ արագ տեմպերով են փոքր եւ միջին բիզնեսի ներկայացուցիչները փակում են իրենց օբյեկտները: Սա, ըստ   ԲՀԿ պատգամավոր, Նաիրա Զոհրաբյանի, հարված  է թիկունքից: «Քանի ՓՄՁ է փակվել  վերջին ամիսներին»,- հետաքրքրվեց օրենսդիր մարմնի ներկայացուցիչը  ֆինանսների փոխնախարար Վախթանգ Միրումյանից:

«Այս պահին ձեռքից տակ  չկան հստակ տվյալներ, բայց  պետք չէ նայել` ինչքան կազմակերպություններ են դադարեցրել իրենց գործունեությունը: Պետք է նայել` քանի կազմակերպություն է բացվել»,- ասաց Միրումյանը:

Փոխնախարարի պարզաբանմամբ հաճախ նույն տնտեսվարողները դադարեցնում են իրենց կազմակերպություններից մեկի գործունեությունը եւ իրենց պատկանող մեկ այլ կազմակերպությամբ շարունակում բիզնես գործունեություն ծավալել: «Պետք է համադրել` քանի կազմակերպություն է բացվել, քանիսը` փակվել»,- ասաց Վախթանգ Միրումյանը:

Գործադիր մարմնի անդամի խոսքով` հաճախ ՓՄՁ-ի ներկայացուցիչները հարկային պարտավորություններից խուսափելու համար են դադարեցնում  իրենց կազմակերպության գործունեությանը: «Վիճելի է, երբ խոսում են հարկային  ճնշումների պատճառով են փակվում ՓՄՁ-ը, քանի որ հարկային բեռի թեթեւացման քայլեր են արվել ՓՄՁ-ի համար»,-  պատասխանեց Միրումյանը:

ՍՈՆԱ ԴԱՎԹՅԱՆ