Կոստանյանը մարտահրավեր է նետում գործող իշխանությանը, իր հայտարարությամբ գնդակը գցելով իշխանության դաշտ. Գեւորգ Պետրոսյան

Այսօր ՀՀ նախկին գլխավոր դատախազ Գեւորգ Կոստանյանը հայտարարել է, որ պատրաստ է վաղը եւեթ վերադառնալ եւ հրապարակային պատասխանել նախաքննական մարմնի բոլոր հարցերին: «Չնայած այն հանգամանքին, որ ինձ առաջադրված մեղադրանքը զուրկ է որեւէ իրավական, տրամաբանական եւ առարկայական հիմքից, հայտնում եմ իմ պատրաստակամությունը վաղը եւեթ վերադառնալ Հայաստան եւ հրապարակային պատասխանել նախաքննական մարմնի բոլոր հարցերին: Ընդորում, որպեսզի դա արվի հրապարակային եւ մեր հասարակությունը հասկանա իրականում ինչ է տեղի ունենում, առաջարկում եմ կազմակերպել հրապարակային քննարկում ՀՀ վարչապետի մոտ կամ իր մասնակցությամբ ուղիղ հերառձակմամբ՝ ՀՀ ՀՔԾ պետի եւ Գլխավոր դատախազի, իրավաբան գիտնականների եւ միջազգային փորձագետների մասնակցությամբ»,-ասված նախկին գլխավոր դատախազի հայտարարության մեջ:

Սա ի՞նչ մեսիջ էր ուղղված իրշխանություններին` փորձեցինք հետաքրքրվել ԱԺ ԲՀԿ խմբակցության պատգամավոր Գեւորգ Պետրոսյանից, ով նկատեց.

- Ճիշտն ասած Գեւորգ Կոստանյանի անձնական անելիքների մասին դատողություններ անելու ցանկություն չունեմ, բայց ես եւս ինտերնետային հրապարակումներից իմացա, որ Կոստանյանը հանդես է եկել այդպիսի հրապարակային հայտարարությամբ: Ես, որպես ՀՀ քաղաքացի, ով եւս շահագրգռված է, որպեսզի մարտի 1-ը բացահայտվի` իսկապես ողջունում եմ Կոստանյանի քայլը: Որովհետեւ Կոստանյանը հետապնդվում է մարտի 1-ի գործով օբյեկտիվ ճշմարտությունը բացահայտելու, այսպես ասած մեղադրանքով:  Ես եւս` առաջին հերթին որպես հայ մարդ, հետո նոր օրենսդիր` հետաքրքրված եմ մարտի 1-ի բացահայտմամբ: Այս քայլով, փաստորեն Կոստանյանը մարտահրավեր է նետում գործող իշխանությանը, եւ իր հայտարարությամբ գնդակը գցեց իշխանության դաշտ: 

Ուզում եմ հավատալ, որ այս խնդիրը կլուծվի բացառապես իրավական հարթությունում:

ԻԼՈՆԱ ԱԶԱՐՅԱՆ

Այս թեմայով Պատմությունը ոչ միայն առարկա է անցյալի մասին, այլ ապագայի ձեւավորման գործիք է. Պետրոսյան Երկրի վրա մագնիսական փոթորիկը հասել է նախավերջին հզորության մակարդակին Աստղագուշակ ապրիլի 12-ի համար. Ցուլին՝ խուսափել սթրեսից, Կույսին՝ աշխատանքային մարտահրավեր Այսօր ժողովրդին թուլացնում են, որ ղեկավարը մնա. Մարգարիտա Պետրոսյան Գնդակը Հայաստանի դաշտում է, և այլևս սպասելու ժամանակ չկա. Ալիևի հերթական հաթաթան