Հեղուկ սննդակարգ դիաբետի դեմ. գիտնականները նոր հետազոտություն են սկսել

Հեղուկ սննդակարգը կարող է 2-րդ տեսակի դիաբետի հաջող վերահսկման բանալի լինել։ Սա ապացուցելու համար բրիտանացի գիտնականները հավաքում են 2-րդ տեսակի դիաբետ եւ ճարպակալում ունեցող կամավորների՝ նոր հետազոտության նպատակով։ Գիտնականները կարծում են, որ «հեղուկ» սննդակարգը կօգնի հասնել կայուն ռեմիսիայի 2-րդ տեսակի դիաբետի դեպքում։

Հետազոտության շրջանակում 5000 կամավորներ 2020 թվականի ապրիլից կսկսեն ուտել միայն հեղուկ սնունդ՝ օրական ստանալով ընդհանուր առմամբ 800 կալորիայից ոչ ավելի։ Փորձը ղեկավարում են Նյուքասլի եւ Գլազգոյի համալսարանների գիտնականները։

Այս մոտեցումն արդեն փորձարկել են 150 կամավորների վրա։ Կալորիաների մեկ տարվա սահմանափակումից հետո մասնակիցների 46 տոկոսի մոտ նկատվել է հիվանդության ռեմիսիա, եւ մեկ տարի հետո նրանց 70 տոկոսը դեռեւս ռեմիսիայի վիճակում էր։ Ընդ որում՝ մասնակիցների 64 տոկոսը, որոնք 10 կիլոգրամ նիհարել էին, գտնվել են ռեմիսիայի մեջ հետազոտության ողջ 2 տարվա ընթացքում։ Գիտնականների խոսքով, որքան ավելի շատ կիլոգրամներ է կորցնում մարդը, այնքան ավելի շատ է կայուն ռեմիսիայի հավանականությունը (երբ նորմայի մեջ գլյուկոզայի պարունակություն ու դեղերի ընդունում չեն պահանջվում)։

Գիտնականները համոզված են, որ երբ օրգանիզմում չափից ավելի շատ են պահպանվում ենթամաշկային ճարպերը, դրանց ավելցուկները հայտնվում են լյարդում, այնտեղից էլ՝ ենթաստամոքսային գեղձում, ինչը հանգեցնում է նրա նորմալ աշխատանքի խանգարման։ Արդյունքում՝ ճնշվում  է գեների ակտիվությունը, որոնք կարգավորում են ինսուլինի արտադրությունը։ Հետեւաբար, քաշի նվազումը, ցանկալի է՝ ախտորոշման հաստատումից հետո որքան հնարավոր է շուտ, առաջ է բերում կայուն դրական էֆեկտ։

Այս թեմայով «Հրապարակ»․ Գյումրիում իշխանությունը խլելու օպերացիաներ են սկսել Հնդկաստանը սկսել է հարվածներ հասցնել Պակիստանի տարածքին Ուկրաինական բանակը Սումի մարզում հակագրոհի է սկսել` մարտի նետելով ՆԱՏՕ-ական զրահատեխնիկայի շարասյուներ (Տեսանյութ) Թրամփը սկսել է իր վարչակազմի ներսում արմատական ​​իսրայելամետ գործիչների մաքրումը. The Washington Post «Հրապարակ». Ընդդիմությունն էլ է քարոզարշավ սկսել