Աղջիկնե՜ր, ուզո՞ւմ եք արագ եւ անվտանգ ազատվել անցանկալի մազերից. Շտապեք «Աստղիկ» բկ

Ի՞նչ է իրենից ներկայացնում լազերային էպիլյացիան, ո՞րն է դրա աշխատանքի սկզբունքը։ Որքանո՞վ է անվտանգ այդ պրոցեդուրան՝ համեմատած անցանկալի մազերի հեռացման այլ մեթոդների հետ, կա՞ն հակացուցումներ: «Աստղիկ» բկ-ում այս պահին գործող Ալեքսանդրիտային մազահեռացման եւ դեմքի հատվածում մաշկի ձգման և երիտասարդացման անախադեպ չեղչերի մասին զրուցել ենք «Աստղիկ» բկ-ի Կոսմետոլոգիական ծառայության ղեկավար, մաշկաբան-կոսմետոլոգ Հրանուշ Գեւորգյանի:

«Աստղիկ» ԲԿ-ում Էպիլյացիան կատարվում է գերժամանակից հատուկ սարքի միջոցով, օգտագործվում է սառեցման հատուկ համակարգ, որի շնորհիվ մաշկը չի գերտաքանում, այրվածքներ եւ այլ խնդիրներ չեն լինում։ Ի տարբերություն էպիլյացիայի այլ մեթոդների՝ «Աստղիկ» բկ-ում լազերային էպիլյացիան կատարում են միայն բարձր որակավորում ունեցող բժիշկներ, ինչը պրոցեդուրան էլ ավելի անվտանգ է դարձնում։

նչ է լազերային էպիլյացիան

Լազերային էպիլյացիան, ինչպես բացատրեց մասնագետը, արմատական մազահեռացման մեթոդ է․ լազերային ճառագայթման ազդեցությամբ մազերի ֆոլիկուլները քայքայվում են, եւ դրանցից այլեւս մազեր չեն աճում։

Էպիլյացիան կատարվում է հատուկ սարքի միջոցով․ «Աստղիկ» ԲԿ-ում, մասնավորապես, օգտագործում են ամերիկյան FDA-ի կողմից հավանության արժանացած GentleLaser Pro-U սարքը, որի արտադրողը հայտնի Candela-ն է։

Որքանո՞վ է արդյունավետ լազերային էպիլյացիան

Ի տարբերություն էպիլյացիայի շատ այլ տեսակների, լազերային էպիլյացիան կարող է ընդամենը մի քանի պրոցեդուրայի ընթացքում ազատել ձեզ անցանկալի մազերից՝ եթե ոչ ընդմիշտ, ապա գոնե շատ երկար ժամանակով։

Մազային ֆոլիկուլների մեծ մասը (մոտ 80-90%) գտնվում է քնած վիճակում եւ միայն 10-20%-ն է ակտիվ աճում։ Հենց այդ պատճառով էլ մազերի մեծ մասից ազատվելու համար անհրաժեշտ է էպիլյացիայի պրոցեդուրաների շարք՝ 6-8 շաբաթ ընդհատումներով (40-60 օրը մեկ)։ Այստեղ ամեն ինչ կախված է լազերով մշակման գոտուց եւ օրգանիզմի անհատական առանձնահատկություններից։ Մեծ մասամբ բավական է լինում մոտ 6-10 պրոցեդուրան, որպեսզի մշակվող գոտում դադարեն նոր մազեր աճել։

Անվտա՞նգ է արդյոք լազերային էպիլյացիան

«Աստղիկ» ԲԿ-ում օգտագործվող GentleLaser Pro-U-ի լազերային ճառագայթները ներթափանցում են 755 նմ խորությամբ եւ երբեք ոչ ավելի խորը, այդ պատճառով դրանք ազդում են միայն մազային ֆոլիկուլների վրա եւ չեն վնասում մարմնի այլ հյուսվածքները։ Ի հեճուկս տարածված առասպելների՝ լազերային ճառագայթները պարզապես չեն կարող «հասնել» ներքին օրգաններին, որպեսզի դրանց որեւէ վնաս հասցնեն, հենց այդ պատճառով էլ լազերային էպիլյացիան համարվում է ամենաանվտանգներից մեկը։

Բացի այդ, GentleLaser Pro-U սարքում օգտագործվում է սառեցման հատուկ համակարգ, որի շնորհիվ մաշկը չի գերտաքանում, այրվածքներ եւ այլ խնդիրներ չեն լինում։ Ցավի զգացողությունները պրոցեդուրայի ժամանակ նույնպես թույլ են: