Խորհուրդ կտամ կտրվեն հեռախոսային խաղերից ու սպորտով զբաղվեն. ԵՎՐՈՊԱՅԻ ՓՈԽՉԵՄՊԻՈՆ ԺԻՐԱՅՐ ՊԵՏՐՈՍՅԱՆ
ՍպորտIravunk. com -ի մարզական թղթակիցը զրուցել է Ավանդական ուշու - սանդայի մեծահասակների Եվրոպայի փոխչեմպիոն ԺԻՐԱՅՐ ՊԵՏՐՈՍՅԱՆԻ հետ։
֊ Ողջույն, Ժիրայր ։Ինչպես կամփոփես անցած տարին։
- Բավականին հագեցած տարի էր։ Թուրքիայի Ստամբուլ քաղաքում կայացած Ավանդական ուշու - սանդայի Եվրոպայի առաջնության ժամանակ արծաթե մեդալ նվաճեցի ու փոխչեմպիոն դարձա։ Իսկ Համաշխարհային ուսանողական խաղերի ժամանակ Հաղթեցի Ալժիրի ներկայացուցչին, ափսոս պարտվեցի թուրք մրցակցիս և գրավեցի 3-րդ հորիզոնականը: Միջազգային մրցաշարի էլ եմ մասնակցել թեթև քաշային կարգում 52կգ եմ հանդես գալիս, հաղթել եմ Ղազախստանի ներկայացուցչին ու այդպես առաջին տեղը գրավել։ Անձնական մարզիչս Գևորգ Ալիխանյանն է։
- Ժիրայր, իսկ այս տարվա ծրագրերի մասին ի՞նչ կասես։
- Պատրաստվում ենք Հայաստանի առաջնությանը, մայիսին էլ Եվրոպայի առաջնությանը, որը կկայանա Շվեդիայում, նաև այլ միջազգային առաջնությունների։ Սպորտով սկսել եմ զբաղվել 6 տարեկանից, պարապում եմ նաև մարտական սամբո մարզաձևով։ Նպատակ ունեմ, նախ դառնալ Եվրոպայի, Աշխարհի, հետագայում նաև Օլիմպիական խաղերի չեմպիոն։ Վնասվածքներ էլ եմ ունեցել, ոտնաթաթս վիրահատված է ու ծնկի խնդիր ունեմ։ Ուրախալի է, որ մեր երկրում վերջին շրջանում պետությունը ավելի շատ է ուշադրություն դարձնում այս մարզաձևին ուշու ֊սանդային, մեր ֆեդերացիայի մարզիչները, ֆեդերացիայի նախագահը ջանք ու եռանդ չեն խնայում, որ զարգանա մեր երկրում ուշու ֊սանդան։
- Ժիրայր, ի՞նչ խորհուրդ ունես պատանիներին։
- Խորհուրդ կտամ, որ կտրվեն հեռախոսային վնասակար խաղերից ու սպորտով զբաղվեն, լինեն ֆիզիկապես շատ ուժեղ ու կոփված։
- Շնորհակալություն, Ժիրայր, մեզ ժամանակ տրամադրելու համար։
- Ես էլ շատ զգացված եմ, անխափան գործունեություն Ձեր թերթին։
Պատրաստեց ՀՈՎՀԱՆՆԵՍ ՍԱՐԳՍՅԱՆԸ