Այսօրվա գործող իշխանությունը նմանվում է անկարող, փոքրիկ բութ երեխայի

Վերջին շրջանում հասարակության կողմից  սուր քննադատության է արժանացել  Ամուլսարի հանքի շահագործման հարցը: Լեռն ունի ոսկու զգալի պաշարներ, բայց մարդկանց առողջությունը վեր է ամեն տեսակի հարստությունից: Կարծիքներ են հնչում, որ Ամուլսարի հանքի շահագործումից մեր երկրին սպառնացող վտանգն էլ ավելի կմեծանա: Չնայած այս ամենին մեզ փորձում են համոզել, որ ոչ մի վտանգ էլ չկա: Այս թեմայի   շուրջ իրենց կարծիքն են հայտնում մեր մշակույթի գործիչները։ Գրող, բանաստեղծ, թատերագիր, դերասան ՎԱՀՐԱՄ ՍԱՀԱԿՅԱՆԸ գտնում է, որ.

-Այսօրվա գործող իշխանությունը նմանվում է անկարող, փոքրիկ, բութ երեխայի: Կան չէ՞ երկու-երեք տարեկան բութ երեխաներ, որոնց ձեռքը ինչին կպնում է ջարդվում, կոտրվում է և անընդհատ ուրիշի վրա է գցում: Այսինքն՝ նա այն երեխան է, որ պետք է ոչնչին ձեռք չտա: Նա եթե ինչ որ բան ուզում է անել դա չի ստացվելու: Բացի դրանից, ինչպես մյուս երեխաները, ասում է ՝լավ եմ անում: Բայց այդ լավ եմ անումը առաջ էր ասում: Հիմա ասում է դու ես: Դու ես-ը նշանակում է ինչ որ եղել է դու ես մեղավոր:  Դրա համա կարծում եմ, որ խորացած չլինելով Ամուլսարի հարցի մեջ, կարող եմ ասել թող ոչինչ չանեն: Այսպես լավ է, այսպես թող մնա:

Ռեժիսոր, մուլտիկպլիկատոր ԴԱՎԻԹ ՍԱՀԱԿՅԱՆՑՆ  էլ  է բացասաբար վերաբերվում ասելով.

- Էությամբ անտի գլոբալիստ լինելով և հասկանալով, թե ով է ամենամեծ շահույթը ստանալու այդ շահագործումից /խոսքը վերաբերվում է արտասահմանյան ընկերություններին՝ անգլիական, ամերիկյան/համոզված եմ, որ շահույթի իննսուն տոկոսը դրսից օլիգարխների գրպաններում է լինելու:  Նման շահագործումից Հայաստանի էկանոմիկան շատ չնչին տոկոս շահույթ կունենա: էլ չեմ ասում, որ կառաջանան  ուրիշ այլ խնդիր, որոնք կապված են էկոլոգիայի հետ: Ցանկացած հանքագործություն իր հետևից բերում է տարբեր խնդիրներ: Նման շահագործումը   շատ լուրջ խնդիրներ  կառաջացնի Ջերմուկի և Սևանի հոսող ջրերին:

Նունե Զաքարյան

Հ.Գ. Զրույցի շարունակությունը կարդացեք «Իրավունք» թերթի վաղվա համարում

Այս թեմայով Ծեծկռտուք Երևանում գործող «Ստոյկա» փաբում, կա վիրավոր. վեճի բոլոր մասնակիցները 22-24 տարեկան աղջիկներ են Ազգային ժողովի ախոռի դուռը թող փակեն գնան սահման. զոհվածի հայր «Ես չեմ կարող գնահատական տալ, որ դա քարոզարշավ էր»․ Երևանի գործող քաղաքապետը՝ ողբերգության վայրում Ավինյանի հայտնի հայտարարության մասին. hraparak.am Շաբաթօրյա խստացված ստուգայցերն ու կրկնայցերը խախտումներ են արձանագրել Երևանում և մարզերում գործող սննդի շղթայի կազմակերպություններում. ՍԱՏՄ «Փաստ». Իշխանությունը պատրաստվում է սեպտեմբերին Ստամբուլյան կոնվենցիան տանել խորհրդարան՝ այն վերջապես վավերացնելու նպատակով