Ծառահատումների իրական թիվը թաքցնում են

«Հայաստանի անտառներ» ՀԿ տնօրեն ՆԱԶԵԼԻ ՎԱՐԴԱՆՅԱՆԸ «Իրավունքի» հետ զրույցում անդրադառնալով  Հայաստանում տարեկան հատվող անտառների քանակին, նշեց, որ այն խախտումները, որոնք հայտնաբերվում է մեր  պետության կողմից, չեն համապատասխանում ծառահատումների իրական թվաքանակին. «Մեր հաշվարկով գյուղաբնակ յուրաքանչյուր ընտանիք օգտագործում է 10-15 խորհանարդ մետր վառելափայտ: Եթե ուղղորդվենք այս հաշվարկով , ստացվում է, որ տարեկան 400-500 հազար խորհանարդ մետր անտառ է հատվում»,-նշեց Ն. Վարդանյանը: ըստ նրա, անտառահատումների համար նախատեսված տույժերը որքան էլ պետությունը խստացնի, միեւնույն է անտառները կհատվեն: Նրա խոսքով` մինչեւ պետությունն իր բնակչի համար չստեղծի հնարավորություն , որպեսզի նա նորմալ ապրի, գոնե էլեկտրականությունից եւ գազից օգտվելու հնարավորություններ չստեղծի, բնակիչները կշարունակեն ծառահատումները. «Դիլիջանում բացեցին մեծ պահնորդական կազմակերպություն  եւ մեծ գումարներ հատկացրեցին, որ Դիլիջանի ազգային պարկը պահպանվի, բայց տեսանք, որ այնտեղ մեծ քանակաությամբ հատումներ եղան: Այս հարցը պետք է ստանա փաթեթային լուծում, կարծում եմ` 5 տարի ընդանրապես պետք է արգելվի ծառահատումները: Երբ նախորդ կառավարությունը որոշեց, որ պետք է մեծացնի սանիտարական հատումների ծավալը, լուրջ հարված հասցրեց մեր անտառներին: Սանիտարական հատումը պետք է լինի ուսումնասիրությունների հիման վրա` նոսրացման , հիվանդ ծառերի հեռացման նպատակով, ոչ թե դնեն ու ամբողջ անտառը հատեն: Այս որոշումները որեւէ գիտական, անտառպահպանության հիմքեր չունեն»,-ընդգծեց Ն. Վարդանյանը եւ հավելեց որ նոր կառավարությունն այս հարցերին ավելի շատ ուշադրություն պետք է հատկացնի:
Դիտարկմանը, թե ավելի շատ անտառներ որ տարածքներում են հատվել, Նազելի Վարդանյանը փաստեց, որ Հայաստանում անտառապատ տարածքները գտնվում են հյուսիսում եւ հարավում, հիմնականում` Տավուշ, Լոռի Սյունիք:

ԶՎԱՐԹ ԽԱՉԱՏՐՅԱՆ

Այս թեմայով Ուկրաինական անօդաչուն հարվածել է Բելգորոդի մարզի կառավարության շենքին, վիրավորվել է փոխնահանգապետը Ադրբեջանին նոր տարածքներ հանձնելու համար կառավարությունը գաղտնի կետով որոշում է ընդունել․ լրագրող Հաղթանակի օրն Ուկրաինայի կողմից իրական սադրանքի դեպքում ոչ ոք չի երաշխավորի, որ Կիևում մայիսի 10 կգա․ Մեդվեդև ՍԱՀՄԱՆԱԴՐԱԿԱՆ ԴԱՏԱՐԱՆԸ ՔՆՆՈՒԹՅԱՆ Է ԸՆԴՈՒՆԵԼ 1998Թ. ԸՆԴՈՒՆՎԱԾ ՀՀ ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔԻ 479-ՐԴ ՀՈԴՎԱԾԻ 3-ՐԴ ՄԱՍԻ` ՀՀ ՍԱՀՄԱՆԱԴՐՈՒԹՅԱՆ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ ՄԵՐ ԴԻՄՈՒՄԸ Տեղեկությունն իրական է` Աննա Հակոբյանը սպառնացել է ամուսնուս