Արցախի Հանրապետության այդ հրամանագիրը ընդամենը ատրճանակը քունքին դրած (под дулом пистолета), որոշում է. ԱՀ նախկին վարչապետ

Ներքաղաքական 28 Սեպտեմբեր, 2023 11:00

Արցախի Հանրապետության նախագահ Սամվել Շահրամանյանը հրամանագիր է ստորագրել ստեղծված իրավիճակից բխող գործողությունների մասին 2023 թվականի սեպտեմբերի 19-ից հետո: Մասնավորապես ըստ հրամանագրի կետերի որոշում է կայացվել:

1. Լուծարել իրենց գերատեսչական ենթակայության տակ գտնվող բոլոր պետական հիմնարկներն ու կազմակերպությունները մինչև 2024 թվականի հունվարի 1-ը, և Լեռնային Ղարաբաղի (Արցախի) Հանրապետությունը դադարում է գոյություն ունենալ:

2. Լեռնային Ղարաբաղի բնակչությանը, այդ թվում 'հանրապետությունից դուրս գտնվողներին, սույն հրամանագիրն ուժի մեջ մտնելուց հետո ծանոթանալ Ադրբեջանի Հանրապետության կողմից ներկայացված վերաինտեգրման պայմաններին' Լեռնային Ղարաբաղում գտնվելու (վերադառնալու) հնարավորության մասին հետագայում ինքնուրույն և անհատական որոշում կայացնելու նպատակով: Սույն հրամանագիրն ուժի մեջ է մտնում հրապարակումից անմիջապես հետո:

Վերը նշվածի վերաբերյալ մեկնաբանություն խնդրեցինք Արցախի նախկին վարչապետ Անուշավան Դանիելյանից, ով հակիրճ պատասխանեց.

-Արցախի Հանրապետության նախագահի այդ հրամանագիրը ընդամենը ատրճանակը քունքին դրած (под дулом пистолета), որոշում է: Մնացածը ես կմեկնաբանեմ, երբ Արցախում դեռևս գտնվող բոլոր պետական, ռազմական, քաղաքական ու ազգաին գործիչների անվտանգությանը ոչինչ չի սպառնա:

https://iravunk.com/sim/?p=266042&l=am/