«ՀԵՆՑ ՄԵՐ ՄՇԱԿՈՒՅԹՈՎ ՆԱԽԱՆՁԵԼԻ ԵՂԱՆՔ ՈՒ ԱՆԸՆԴՈՒՆԵԼԻ ՕՏԱՐՆԵՐԻ ՀԱՄԱՐ»

Այսօրվա հեռուստաալիքները ողողված են մեծ մասամբ անհետաքրքիր ու անիմաստ հեռուստահաղորդումներով եւ անորակ նախագծերով, որոնք հիմնականում ապականում են մեր երիտասարդությանը` մղելով դեպի հեռավոր անդունդ: Ներկայիս հեռուստաընկերությունների ու մտավորականության մասին զրուցեցինք սիրված հեռուստահաղորդավարուհի Հայաստանի Հանրապետության ու ԼՂՀ մրցանակակիր ու բազմաթիվ հեռուստածրագրերի հեղինակ ԱՐՓԵՆ ՄՈՎՍԵՍՅԱՆԻ հետ: Նա հուլիսի 2-ին դարձավ 70 տարեկան: Դիտելով նրա հաղորդումները` կարելի է տեղափոխվել  մտավորականների, բանաստեղծների ու արվեստագետների զարմանահրաշ մի աշխարհ: Ապրել նրանց ստեղծագործություններով ու առավել մոտիկից ճանաչել նրանց: Այս առիթով կայացած հարցազրույցը սիրով ներկայացնում եմ իմ ընթերցողին:

– Ի՞նչն է Ձեզ ամենից առավել անհանգստացնում մեր երկրում:

– Առհասարակ, անարդարությունը, անտարբերությունը, անհոգի վերաբերմունքը: Կարեւոր չէ նման հատկանիշներ կրողը կողքինդ է, թե` որեւէ պաշտոնյա:

– Ըստ ձեզ` ո՞րն է մեր ժամանակի ամենամեծ վտանգը:

– Ե՛վ մեր ժամանակի, ե՛ւ բոլոր ժամանակների վտանգը պատերազմն է: Ես երկյուղածորեն ամեն օր աղոթում մեր փխրուն խաղաղության համար:

– Մշակույթը ներկայացնում է տվյալ ժողովրդի դիմագիծը, կարո՞ղ ենք այսօր պարծենալ մեր մշակույթով:

– Մեր ամեն ինչով կարող ենք հպարտանալ: Ե՛վ գիտական մտքով, ե՛ւ շինարարի, ե՛ւ հողագործի բազուկներով, մեր ճարտարապետությամբ, բեմի մեր նվիրյալներով: Նրանք են մեր աշխարհը պահել աշխարհում: Փակուղիներում լույս են եղել: Սեր, ատելություն, ստեղծագործական ամեն միտք ու արար մշակույթ է: Հենց մեր մշակույթով նախանձելի եղանք ու անընդունելի օտարների համար: 1453-ից այսդին, թող ուրիշ ազգեր ապրեին, անշուշտ, անհամեմատելի, անփոխարինելի ու խորշակյալ Արարատյան երկրում ու լինեին այսքան հզոր,այսքան մարդկային ու քարը քարին դնեին այսքան արվեստական ձեւերի մեջ: Եթե հեռուստատեսային հանդիպում լիներ սա, որպես դադար, «Առավոտ լուսոն» կուզենայի լսել, որը նույն բանն է, երբ Հրանտ Մաթեւոսյանն ասում է. «Աստված շնորհում է կավե հայրենիքներ: Կավե հայրենիքները ջիղով ու գրգիռով, շեշտով ու գույնով օժտում են արվեստագետները»:

– Ինչպե՞ս եք տեսնում մեր երկրի ապագան:

– Հզոր, ինքնավայել, բացառիկ ու ամբողջական:

ԳԱՐԻԿ ԱՎԵՏԻՍՅԱՆ

Այս թեմայով Այս ամենի մեջ մեղսակից է ամբողջ քաղաքական էլիտան․ Բագրատ Մովսեսյան Ինչ է սպասվում Պարոնյան թատրոնում սեպտեմբերին Դանդաղ աշխատող ռումբ՝ Տավուշը ներսից պայթեցնելու համար. Բագրատ Մովսեսյան Մեր քաղաքական էլիտան հիվանդ է. Բագրատ Մովսեսյան (ԱՆՈՆՍ) Քաղաքական դաշտը գերակտիվ համալրվում է նոր ստեղծվող կուսակցություններով