«Ես ու մենք համառորեն պահանջելու ենք, որպեսզի Արթուր Ալեքսանյանն ազատ արձակվի»

«Կամք» նախաձեռնության անդամ Արթուր Ալեքսանյանի կինը՝ ԱՆՈՒՇ ԳԱԼՍՏՅԱՆԸ գրում է. «Այսօր Ընտանիքի միջազգային օրն է։ Սկզբունքորեն կողմ չլինելով նեղ անձնական կամ ընտանեկան նյութերը սոցցանցերում հրապարակելուն` այսօր, սակայն, առաջին անգամ ֆեյսբուքում տեղադրում եմ մեր ընտանեկան լուսանկարներից մեկը։

Ճիշտ է, ամուսինս` Արթուր Ալեքսանյանը, որը նաեւ «ԿԱՄՔ» հասարակական նախաձեռնության անդամ է, մեր ազգային արժեքները պահպանելու, իր հայացքների, ստամբուլյան ու լանզարոտի կոնվենցիաներում առկա մի շարք կետեր չընդունելու, մեր ու բոլորիս ընտանիքների, երեխաների լուսավոր ապագայի համար պայքարելու հերթական ակցիաներից մեկի ընթացքում ոմն պատգամավորի նկատմամբ իբրեւ թե հեծանվով վրաերթի փորձ կատարելու եւ սպառնալու ճղճիմ եվ սուտ հիմքով կալանավորվել է ս.թ. մայիսի 14-ից, սակայն ես ու մենք համառորեն պահանջելու ենք, որպեսզի նա ազատ արձակվի եւ շարունակի իր գործունեությունն ընկերների հետ միասին։

Շնորհիվ պրոֆեսիոնալ փաստաբաններ Էմին Բեգլարյանի եւ Կարեն Մեժլումյանի` նրա ձերբակալությունը ճանաչվել է ոչ իրավաչափ։ Պարզվել է նաեւ, որ մեղադրանքն առաջադրվել էր ՀՀ քր. դատ. օրենսգրքի 202-րդ հոդվածի պահանջների կոպիտ խախտմամբ (ըստ փաստաբանի տված տեղեկության), եւ «տուժողի» ցուցմունքը, որը չունի փաստական որեւէ հիմք, եւ որին հակասում է Ա.Ալեքսանյանի ցուցմունքը (նա իրեն մեղավոր չի ճանաչել), ինչ-որ անհասկանալի տրամաբանությամբ համարվել է վերջինիս 2 ամսով կալանավորելու հիմք։

Նշեմ նաեւ, որ դատական նիստերի ընթացքում ոստիկանական ուժերը թույլ չեն տվել մեզ կանգնել դատարանի դիմաց` դատարանի շենքից բավական հեռու` հանրային վայրում, եւ 24 ժամվա ընթացում 3 անգամ վարչական ձերբակալման են ենթարկել «ԿԱՄՔ» հասարակական նախաձեռնության նախագահ Վահագն Չախալյանին, Արթուր Արամյանին, ինչպես նաեւ այլ ներկաների, ովքեր ընդամենը տեսագրում էին շուրջբոլորը։

Այդ եւ մյուս բոլոր օրերին «ԿԱՄՔ»-ի աջակից բոլոր ընկերների ու անգամ անծանոթների ներկայությունը, գիտակից մարդկանց` մեր ազգային արժեհամակարգին հակասող երեւույթների դեմ ուղղված միասնական պայքարը լրացուցիչ կերպով նպաստելու են, որ արդարությունը լռեցնելու նման հետապնդումներով հետագա փորձերը ապարդյուն դառնան։

Թե ով է քաղբանտարկյալ Արթուր Ալեքսանյանը, թե ինչ է Լանզարոտի կոնվենցիան եւ այլ մանրամասներ՝ կարող եք իմանալ՝ միանալով հետեւյալ խմբին՝ https://www.facebook.com/groups/1165001980512443/»:

Այս թեմայով Ստեղծել Ազգային Փրկության ժամանակավոր կառավարություն եւ կազմակերպել ԱԺ արտահերթ ընտրություններ. «Կամք» Թեպետ հորդառատ անձրեւ է գալիս, բայց Բագրատ սրբազանի առաջնորդած երթը շարունակում է քայլել դեպի Երեւան Երեւան-Սեւան ճանապարհին մարդիկ մեքենաներով միանում եմ երթին. Արթուր Վարդանյան Ղազախստանը հայ-ադրբեջանական բանակցություններում ներկայանում է որպես չեզոք կողմ, բայց դա այդպես չէ. Իգիթյան Եթե այդքան շատ եք ուզում Նիկոլ Փաշինյանը հրաժարական տա, դրե՛ք մանդատները. Բաբկեն Հարությունյան