Ռեֆորմիստները հրավիրում են աշխատանքի վարչապետի հրահանգով աշխատանքից ազատված մաքսակետի տեսուչին

Ռեֆորմիստների կուսակցությունը հայտարարությամբ է հանդես եկել, որում մասնավորապես ասված է. «Ռեֆորմիստների կուսակցությունն անընդունելի է համարում «Նորագավիթ» մաքսակետում ապրիլի 9-ին ՀՀ քաղաքացի Հայկ Մարտիրոսյանի իրավունքների ոտնահարումը, ՀՀ քաղաքացու նկատմամբ անհարգալից վերաբերմունքը եւ կամայականորեն աշխատանքից զրկելը: Կուսակցության ղեկավարությունը Հայկ Մարտիրոսյանին հրավիրում է աշխատանքի Ռեֆորմիստների կուսակցության գրասենյակում: Մեր կուսակցության անդամների կողմից վճարվող անդամավճարներով մենք կկարողանանք վճարել Հայկ Մարտիրոսյանի ամսական աշխատավարձը: Հայկ Մարտիրոսյանը կարող է կապ հաստատել կուսակցության ղեկավար մարմնի հետ Facebook սոցիալական ցանցի միջոցով կամ այցելել կուսակցության գրասենյակ՝ Բաղրամյան 59, 3-րդ հարկ»:

Հիշեցնենք, որ օրերս «Նորագավիթ» ավտոտրանսպորտային միջոցների մաքսային ձեւակերպումների մաքսատուն այցելած վարչապետ Նիկոլ Փաշինյանը շրջայցի ժամանակ, սենյակներից մեկում տեսել էր մի անկյունում հատակին դրված ՀՀ պետական դրոշը եւ հենց տեսախցիկների առաջ Արարատյան-մաքսատուն վարչության թիվ 2 զննման բաժնի տեսուչ Հայկ Մարտիրոսյանին եւ սենյակի մյուս աշխատակիցներին հրահանգել էր «դիմում գրել» եւ ազատվել աշխատանքից: Ավելի ուշ հայտնի դարձավ, որ Հ. Մարտիրոսյանն իր դիմումի համաձայն, ազատվել է աշխատանքից:
 

Այս թեմայով Հայաստանն ուշադիր հետևում է Մերձավոր Արևելքում կայուն խաղաղություն հաստատելու Հորդանանի ջանքերին. Փաշինյանը՝ Հորդանանի միապետին IFBB Armenia-ի նախագահը սերտիֆիկատ է հանձնել Սարգիս Ստեփանյանին Նիկոլ Շերզինգեր, Մելաձե, Թաթա, Ձախ Հարութ․ «Վիվառոյի» սեփականատիրոջ եղբորորդու գերշքեղ հարսանիքի նոր կադրերը Հայաստան կժամանի Սլովակիայի վարչապետ Ռոբերտ Ֆիցոն «Հրապարակ». ՔՊ–ում խուլ դժգոհություն կա Հայկ Սարգսյանի նախագծի հետ կապված