«Հարություն Խաչատրյանը թող ներողություն խնդրի, որ առաջին քրիստոնեական երկրում պղծություն է քարոզում»

Այս տարի «Ոսկե ծիրան» միջազգային 14-րդ կինոփառատոնի մեկնարկին զուգահեռ տեղի ունեցավ «Ո՛չ այլասերման քարոզին» պաստառներով բողոքի ակցիան: Մի շարք հասարակական կազմակերպությունների ներկայացուցիչներ, խնդրով մտահոգ քաղաքացիներ եկել էին զգուշացնելու, որ «Ոսկե ծիրանի» շրջանակներում փորձ է արվում Հայաստանում իրականացնել այլասերվածության ու սոդոմական պղծությունների քարոզ՝ երկու ցուցադրվելիք ֆիլմերի միջոցով։ 

Հիշեցնենք, որ կինոփառատոնի շրջանակում նախատեսվում էր ցուցադրել այլասերվածության մասին պատմող «գեղարվեստական» մի ֆիլմ («Ծիրանի այգիներ», ռեժիսոր` Փուրիա Հեյդարի) ` հայ դերասանների մասնակցությամբ: Ինչպես նաեւ նախատեսվում էր ցուցադրել «Լսիր ինձ» ֆիլմը, որը փաստավավերագրական է եւ պատրաստվել է այլսերվածների (լեսբի, գեյ, բիսեկսուալ տրանսգենդեր) իրավունքների պաշտպանությամբ եւ այլասերվածության քարոզչությամբ զբաղվող «PINK Armenia» («ՓԻՆԿ Արմենիա») հկ-ի պատվերով, սակայն հանրային լայն բողոքի արդյունքում, վերջիվերջո, այս ֆիլմերի ցուցադրումը կասեցվեց:

Բողոքի ակցիայի, փառատոնի եւ մատաղ սերնդի համար վտանգներով հղի այսպիսի քարոզչության մասին էլ «Իրավունքը» զրուցեց ակցիայի մասնակիցներից «Լույս» տեղեկատվական-վերլուծական կենտրոնի ղեկավար ՀԱՅԿ ԱՅՎԱԶՅԱՆԻ հետ, որը նախեւառաջ նշեց.

- Մենք տեսնում ենք, որ Հայաստանում տարեցտարի արվամոլության, պղծությունների քարոզը տարբեր կազմակերպություններ փորձում են ավելի ագրեսիվ տանել: Ընդ որում՝ արդեն ծրագրեր են կազմում, որ սեռական դաստիարակության անվան տակ դպրոցներ մտնեն: Եվ այդ շրջանակում մի ժամանակ առաջ Երեւանի կենտրոնում համասեռամոլություն քարոզող պաստառներ կախվեցին, հետո մետրոյում, այսպես կոչված, «շվեդական հայրիկներ» նախագիծը իրականացրեցին, որն, ըստ էության, էլի արվամոլություն էր քարոզում: Այսօր էլ, փաստորեն, «Ոսկե ծիրանը» եւ փառատոնի տնօրեն Հարություն Խաչատրյանը, որն իրեն ներկայացնում է ազգային մարդ, հոգեւոր արժեքների պահապան, մեծ-մեծ «Շողակաթ» հեռուստաընկերությունում ելույթներ է ունենում, արվամոլների եւ տրանսվիստիտների մասին երկու ֆիլմ է բերել եւ ուզում էր ցուցադրել: Սա այն գործընթացի մասն է, որի նպատակն է մինչեւ տարվա վերջ ընդունել այլասերվածների իրավունքները պաշտպանող օրենքներ՝  հասարակական կյանքի բոլոր ոլորտների համար, այդ թվում՝ նաեւ դպրոցներում դասավանդելու իրավունք եւ այլն: Իսկ մենք պահանջում ենք, որպեսզի վերջապես  ժողովրդի ճնշող մեծամասնության կարծիքը հաշվի առնվի եւ ընդունվի օրենք, որը կարգելի անչափահասների շրջանում այլասերման քարոզչությունը:

- Թեպետ վերոնշյալ ֆիլմերի ցուցադրումն այս տարի հաջողվեց կանխել, սակայն Հարություն Խաչատրյանը հայտարարել է, որ կփորձեն  մյուս տարի դրանք ցուցադրել: Ի՞նչ կասեք այս մասին:

- Նախ Հարություն Խաչատրյանը թող ներողություն խնդրի, որ առաջին քրիստոնեական երկրում բերել ու պղծություն է քարոզում: Եվ երկրորդ՝ նա նաեւ նշել է, թե «ոչնչից մեծ աղմուկ են սարքել, ինչ-որ մեկին շատ պետք էր այս աղմուկը» եւ այլն: Եթե ինքը չգիտի, ես իրեն հիշեցնում եմ՝ այդ «ինչ-որ մեկը» ժողովրդի 99 տոկոսն է, որը դեմ է պղծություններին:  

- Ի վերջո, ինչպե՞ս եք տեսնում լուծումը, արդյոք կարող ենք ամեն անգամ պղծության քարոզի դեպքում հույսներս դնել ժողովրդի առողջ «իմունիտետի» վրա:

- Ո՛չ, իրավական դաշտում պետք է լինի ամրագրում: Ազգային ժողովը պարտավոր է ընդունել օրենք, որը կպաշտպանի մեր երեխաներին այլասերման քարոզից: Եթե՝ ոչ, ապա Հայաստանը կարող է վերածվել այնպիսի սոդոմական մեղքերի երկրի, որոնք այսօր տեսնում ենք Եվրամիության շատ երկրներում:

ՀՐԱՆՏ ՍԱՐԱՖՅԱՆ

Հ.Գ.- Առավել մանրամասն դիտե՛ք տեսանյութում.

Այս թեմայով «Հրապարակ». ՔՊ–ում խուլ դժգոհություն կա Հայկ Սարգսյանի նախագծի հետ կապված Կամուֆլյաժը դառնում է աղքատի արտահագուստ. Հարություն Մնացականյան Այս սերունդը կարող է եւ պատրաստ է ստեղծել հայոց նոր ոսկեդար. Հայկ Բաբուխանյան Դպրոցի շրջանավարտները պատրաստ են ստեղծել հայոց նոր ոսկեդար Այն, ինչ Արծրուն Հովհաննիսյանը ասեց, եղել է դրա ճիշտ հակառակը. Հայկ Այվազյան