Արթիկի թիվ 2 հիմնական դպրոցի ուսուցիչները բողոքում են «Գիշերօթիկ դպրոցի» շենք տեղափոխվելու որոշման դեմ

Խմբագրություն է դիմել Շիրակի մարզի Արթիկի թիվ 2 հիմնական դպրոց ՊՈԱԿ-ի ուսուցչական կոլեկտիվը՝ բողոքելով պատկան մարմինների կայացրած որոշման դեմ՝ համաձայն որի նախատեսվում է դպրոցը  «Հյուսիսային համալսարանի»-ի շենքից տեղափոխել «Գիշերօթիկ դպրոցի» շենք։

Ըստ ուսուցչական կոլեկտիվի՝ դպրոցի հիմնական շենքը 2021 թվականի սեպտեմբերի 1-ից քանդվել է՝ նոր շենք կառուցելու նպատակով։
Հիշյալ թվականից թիվ 2 հիմնական դպրոցի ուսումնական գործունեությունը շարունակելու համար ժամանակավորապես հատկացվել է Արթիկի նախկին «Հյուսիսային համալսարանի» շենքը, որը գտնվում է քաղաքի կենտրոնական փողոցներից մեկում (Բաղրամյան փողոց), և իր դիրքով հարմար է և՛ սովորողներին, և՛ աշխատակազմին։ Իսկ կոլեկտիվին խոստացվել է դպրոցի նոր շենքի կառուցումը ավարտել 2024 թվականին։

Սակայն 2024 թվականին անհասկանալի պատճառներով որոշում է կայացվել դադարեցնել դպրոցական մասնաշենքի շինարարությունը, իսկ թիվ 2 հիմնական դպրոց ՊՈԱԿ-ը տեղափոխել «Գիշերօթիկ դպրոց»-ի շենք, քանզի «Հյուսիսային համալսարանի» շենքը, որում ներկայումս գործում է դպրոցը գտնվում է վթարային վիճակում։

Մինչդեռ դպրոցի կոլեկտիվը համաձայն չէ այս որոշման հետ, քանզի «Գիշերօթիկ դպրոց-ի» շենքի պայմանները  աղետալի են։ Բացի այդ տվյալ դպրոցը սովորողների և ուսուցիչների բնակատեղիներից գտնվում է շատ հեռու՝ քաղաքի արվարձանում, ինչը կարող է բերել աշակերտների թվաքանակի կտրուկ նվազմանը, ինչն էլ իր հերթին կբերի ուսուցչական անձնակազմի կրճատմանը։

Մանկավարժները կարծում են, որ տվյալ որոշման հիմնանպատակը Արթիկ քաղաքի առաջին դպրոցի (հիմնադրվել է 1926թվականին) լուծարումն է։ Մինչդեռ տվյալ դպրոցը, որն ունի 600-ից ավել աշակերտներ, ամենախոշորն է Արթիկում, իսկ Շիրակի մարզում 2-րդը կամավոր ատեստավորում անցած ուսուցիչների թվաքանակով։

Ուստի ուսուցիչների խնդրանքն է՝ թույլատրել շարունակել իրենց ժամանակավոր գործունեությունը «Հյուսիսային համալսարանի» շենքում և օժանդակել, որպեսզի դպրոցի նոր շենքի շինարարական աշխատանքները հնարավորինս շուտ ավարտվեն։

Մանկավարժները նաև հավաստում են, որ դպրոցի կոլեկտիվը և «Հյուսիսային համալսարանի» սեփականատերը ընդհուպ պատրաստ են իրենց միջոցներով բարենորոգել շենքը, որպեսզի դպրոցը չտեղափոխվի այլ տարածք մինչև սեփական շենքի հիմնանորոգումը։

Նշենք, որ սույն խնդրով  Արթիկի թիվ 2 հիմնական դպրոց ՊՈԱԿ-ի ուսուցչական կոլեկտիվը դիմել է թե Շիրակի մարզպետ Դավիթ Առուշանյանին, թե ԿԳՄՍ նախարար Ժաննա Անդրեասյանին, սակայն ձայն բարբառո հանապատի, ինչը շատ տարակուսելի է հատկապես կառավարության մարզային ուսումնական հաստատությունների բարենորոգման ծրագրերի ակտիվացման ֆոնին։

Այս թեմայով Դպրոցի շրջանավարտները պատրաստ են ստեղծել հայոց նոր ոսկեդար Ռուսաստանում դեռահասներ են ձերբակալվել, ովքեր պատրաստվում էին հրկիզել ՊՆ շենքը Դա նշանակում է հարվածել գոտկատեղից ներքեւ. Հայտնի փաստաբանը հայտարարությամբ է հանդես եկել Ով է այսօր դաժան վթարի զոհ դարձած 35-ամյա տղամարդը.Ֆոտո Անծանոթ տղամարդը մոտեցել է Արաբկիրի դպրոցի աղջիկներից մեկին ու խաբելով փորձել տուն տանել. մանրամասներ դեպքից