Ո՞ւր էիք դուք. ԶԱՐՄԱՆՔ

Զարմանալի մտքեր է արտահայտել Բարձրագույն դատական խորհրդի նախագահ ԿԱՐԵՆ ԱՆԴՐԵԱՍՅԱՆՆ  օրերս տված իր հարցազրույցում: Ըստ էության, նա ասում է, որ իրենք ուզում են, որ մարդիկ շուտ դատվեն, այո՛, նա ազնիվ է եղել, իրապես, նրանք այդպես են ուզում, որովհետեւ իրենց համար ոչ թե «ողջամիտ ժամկետում արդար դատաքննության իրավունք» է, այլ նրանք ուզում են, որ մարդիկ շուտ դատվեն։ Իրենց համար ոչ թե «մինչդատական վարույթի նկատմամբ հսկողություն իրականացնող դատարան» է, այլ` «կալանքի» դատարան։ Այս մասին արձանագրել է փաստաբան Աբգար Պողոսյանը եւ հավելել. «Հուսամ այդ նույն դավանած արժեքներով էլ կլինեն իրենց դատավարությունները»։ Ոչ պակաս ուշագրավ է Կ. Անդրեասյանի հնչեցրած մեկ այլ միտք, թե ինչպես է նա հիմնավորում դատավոր Նաիրա Հովսեփյանին պատասխանտվության չենթարկելու հարցը: Նա մեջբերում է, որ Հովսեփյանը ռազմի դաշտում կորցրել է իր որդուն (փառք ու պատիվ բոլոր ընկած տղաներին)։ Սրա հետ կապված էլ Աբգար Պողոսյանը ոչ պակաս կարեւոր հարցեր է բարձրացնում. «Հարգելի պարոն Անդրեասյան, իսկ ո՞ւր էիք դուք, երբ բիրտ ուժ էին կիրառում որդեկորույս ծնողների նկատմամբ։ Ո՞ւր էիք, երբ զոհված զինծառայողների հարազատները կալանավորվում էին բողոքի ակցիաների մասնակցելու համար։ Ո՞ւր էր Կարեն Անդրեասյանը, երբ պատերազմի մասնակից երիտասարդին ՁՊՎ տեղափոխելու ճանապարհին, ոստիկանության բարձր հովանու ներքո «անհայտ անձիք» ծեծի էին ենթարկում»: Արդյո՞ք հենց սրանք չեն երկակի ստանդարտները՝ միանում ենք փաստաբանի հարցադրմանը նաեւ մենք:

Արդարադատության նորանշանակ նախարար ՍՐԲՈՒՀԻ ԳԱԼՅԱՆՆ էլ համարում է, որ Հայաստանի Հանրապետությունում քաղբանտարկյալներ չկան: «Բոլոր քրեական գործերը, որոնք հարուցվել են, հարուցվել են կոնկրետ հնարավոր հանցավոր արարքներին որպես հակազդեցություն»,- կառավարության նիստից հետո՝ ինքնագոհ հայտարարել է Գալյանը: Փաստորեն, նախարարի պորտֆելը վնասակա՞ր է տեսողությանն, այլապես ինչպե՞ս բացատրել այն, որ տիկին Գալյանը չի տեսնում ակներեւը:

Պարզվում է՝ հայ-թուրքական դիվանագիտական հարաբերություններն արդեն վերականգնվել են, բայց չէին ասում, որ ժողովրդի տրամադրությունը չընկնի: Թե ինչ քայլեր է իրականացրել ԱԳՆ-ն՝ Բելգիայում ՀՀ դեսպան Տիգրան Բալայանին Ադրբեջանի դեսպանի կողմից հնչած սպառնալիքների հետ կապված, լրագրողների հարցին ի պատասխան ՀՀ արտաքին գործերի փոխնախարար ՎԱՀԱՆ ԿՈՍՏԱՆՅԱՆՆ անդրադարձավ թռուցիկ. «Մենք մեր գնահատականը տվել ենք, մեր նկատառումները գրավոր հայտնել ենք թե՛ դեսպանընկալ պետությանը, թե՛ այլ գործընկերներին»: Ինչ վերաբերում է նրան, թե Արտգործնախարարությունը տեղյա՞կ էր, որ դեսպան Բալայանը մասնակցելու է Թուրքիայի ազգային տոնին նվիրված միջոցառմանը, որտեղ էլ վերջինիս սպառնացել է Ադրբեջանի դեսպանը, Կոստանյանն ասում է. «Թուրքիայի ազգային տոնին նվիրված միջոցառմանը Բալայանի մասնակցությունը եղել է մեզ հետ համաձայնեցված: Կարծում ենք, որ դիվանագիտական շփումները տարբեր մակարդակներում, այդ թվում՝ դեսպանների մակարդակով, նորմալ պրակտիկա է, եղել է հրավեր, որն ընդունվել է»: Փոխնախարարը նաեւ ընդգծել է, որ Թուրքիայի դեսպանն էլ մասնակցել է ՀՀ դեսպանատան կազմակերպած միջոցառումներին: Այն, որ իրար հետ այդպիսի ինտենսիվ շփումներ ունեն նիկոլական ու էրդողանական դեսպանները, ուրիշ բան չէինք էլ սպասում: Միայն անհասկանալի է, թե ինչն է այս ամենի մեջ նորմալ պրակտիկա: Նորմա՞լ է, որ նախ սպառնում են, հետո ստորացնում, վերջում էլ ցեղասպանում: Սա՞ է ՀՀ ԱԳՆ-ի նորմալ պրակտիկան` թուրքերի ու ադրբեջանցիների հետ հարաբերվելու:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով «Ժողովուրդ». ԱԳՆ-ում զարմանք է առաջացրել նախարարի մամուլի քարտուղարին բարձր դիվանագիտական աստիճանի շնորհումը Ի՞նչ է նշանակում նախարարի «չեմ մտածել»-ը. ԶԱՐՄԱՆՔ Արհեստական բանականությունը ստեղծել է ձայներ, որոնք դժվար է տարբերակել իրական ձայնից.Տեղեկատվական անվտանգության փորձագետը զգուշացնում է ԶԱՐՄԱՆՔ ԶԱՐՄԱՆՔ