Լավագույն դիզայներների ներկայացրած արվեստը մեկ հարկի տակ էր համախմբել դիվանագետներին

Գեղագիտության ազգային կենտրոնի Պատկերասրահում (Աբովյան փ. 13) բացվել է Jewellery Academy («Զարդարվեստի ակադեմիա») խորագրով ցուցահանդեսը, որտեղ ներկայացված են Հայաստանի, Ավստրիայի, Չեխիայի, Հունգարիայի եւ Սլովակիայի գեղարվեստի ակադեմիաների եւ մասնագիտական ուսումնական հաստատությունների՝ զարդարվեստի ոլորտում լավագույն դիզայներների աշխատանքները:

Ցուցահանդեսի բացմանը ներկա էին ՀՀ-ում ԵՄ դեսպան Վասիլիս Մարագոսը, ՀՀ-ում Սլովակիայի Հանրապետության արտակարգ եւ լիազոր դեսպան Միրոսլավ Հացեկը, ՀՀ-ում Չեխիայի արտակարգ եւ լիզոր դեսպան Պետր Պիրունչիկը, ՀՀ-ում Իտալիայի արտակարագ եւ լիզոր դեսպան Ալֆոնսո Դի Ռիզոն, ՀՀ-ում Ռումինիայի արտակարգ եւ լիազոր դեսպան Կորնել Իոնեսկուն, ՀՀ-ում Հունաստանի արտակարգ եւ լիազոր դեսպան Խրիստոս Սոֆիանապուլոսը, Վրաստանում Հունգարիայի արտակարգ եւ լիզոր դեսպան Աննա Սիկոն, Եվրոպայի ինտեգրման եւ արտաքին գործերի դաշնային նախարարության Արտաքին մշակութային քաղաքականության բազմակողմ հարցերի վարչության պետ, դեսպան Կլեմենս Քոջան, Հունգարիայի Արտաքին գործերի եւ առեւտրի նախարարության մշակութային եւ գիտական դիվանագիտության բաժնի ղեկավար Էսթեր Քրիստինա Փափը, Չեխիայի արտաքին գործերի նախարարության հաղորդակցման բաժնի ղեկավար Կարել Սմեկալը, դիվանագիտական կորպուսի այլ ներկայացուցիչներ, Կենտրոնական Եվրոպայի մշակութային հարթակի նախագահ, Սլովակիայի Հանրապետության Արտաքին եւ Եվրոպական կապերի նախարարության մշակույթի բաժնի ղեկավար Լիվիա Մաչովան, ՀՀ Արտաքին գործերի նախարարի տեղակալ Պարույր Հովհաննիսյանը, մասնակից արվեստագետները եւ հյուրեր՝ մասնակից երկրներից:

Հենրիկ Իգիթյանի անվան Գեղագիտության ազգային կենտրոնի (ԳԱԿ) տնօրեն Վահան Բադալյանը, ողջունելով ներկաներին, մեծ ուրախություն հայտնեց, որ ԳԱԿ-ը նման գեղեցիկ նախագիծ է իրականացնում. «Հրաշալի առիթ է տեսնել տարբեր երկրների մոտեցումները զարդարվեստի ոլորտում: Որպես Հայաստանի ներկայացուցիչ՝ շատ ուրախ եմ, որ մեր երկիրը եւս այս ցանկում է: Հատուկ շնորհակալություն ՀՀ-ում Սլովակիայի դեսպանությանն ու պարոն դեսպանին՝ հրաշալի համագործակցության համար»:

Ցուցադրված են զարդերի յուրահատուկ նմուշներ, որոնք առանձնանում են իրենց զգացմունքայնությամբ, նորարարությամբ ու վարպետությամբ: Յուրաքանչյուր զարդ ունի իր յուրահատուկ պատմությունը՝ արտացոլելով այն ստեղծողի որոնումներն ու արտահայտման ուղիները:

«Մենք այստեղ ենք, որ տոնենք այս արվեստագետների տաղանդը, միշտ նորը ստեղծելու նրանց ձգտումները: Մենք այստեղ ենք որպես Կենտրոնական Եվրոպայի մի մաս՝ ցույց տալու, որ միասին մենք ուժեղ ենք, եւ քաջալերելու նման նախաձեռնությունները: Այստեղ ներկայացվում են զարդեր աշխարհի ամենագեղեցիկ զարդերն ունեցող երկրներից մեկում: Շատ ուրախ ենք այս համագործակցության համար, եւ շնորհակալություն Գեղագիտության ազգային կենտրոնին՝ հրաշալի համագործակցության համար»,- իր խոսքում նշեց Կենտրոնական Եվրոպայի մշակութային հարթակի նախագահ, Սլովակիայի Հանրապետության Արտաքին եւ Եվրոպական կապերի նախարարության մշակույթի բաժնի ղեկավար Լիվիա Մաչովան:

«Այս ցուցահանդեսը համընկնում է Հայաստանի եւ Եվրամիության համագործակցության սերտացման կարեւոր փուլի հետ: Երբեմն մշակույթն անտեսվում է, եւ սա բացառիկ օրինակ է, երբ համագործակցության առանցքում զարդարվեստն է: Մենք շատ կարեւորում ենք Սլովակիայի հետ հարաբերությունների սերտացման նման գեղեցիկ առիթները»,-ընդգծեց ՀՀ Արտաքին գործերի նախարարի տեղակալ Պարույր Հովհաննիսյանը:

Նշենք, որ ցուցահանդեսը կգործի ապրիլի 18-28-ը, ժամը՝ 12։00-18։00-ին։ Մուտքն ազատ է։ Ցուցահանդեսն իրականացվում է Կենտրոնական Եվրոպայի մշակութային հարթակի (Platform Culture Central Europe) Սլովակիայի նախագահության կապակցությամբ՝ ՀՀ-ում Սլովակիայի Հանրապետության դեսպանության կողմից՝ Հենրիկ Իգիթյանի անվան գեղագիտության ազգային կենտրոնի հետ համագործակցությամբ:

Այս թեմայով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները Նման աշխատանքային վաստակի տեր մարդուն պետք է շտապ կարգով ուղարկել Պալմա դե Մալյորկա, բայց «Երևան-Կենտրոն» ՔԿՀ-ն էլ վատ փոխարինող չէ. Փաշինյանը՝ Գագիկ Խաչատրյանի մասին Հայաստանի հավաքականի կիսապաշտպանը մոտ է նոր ակումբ տեղափոխվելուն Ավելի քան 20 զբոսաշրջիկ անհետ կորած է համարվում ԱՄՆ Գրանդ Կանյոն ազգային պարկում ուժեղ ջրհեղեղի հետևանքով (Տեսանյութ)