Պայքարելու եմ մինչեւ վերջ՝ Գիտատեխնիկական գրադարանի պահպանման համար. Դավիթ Ղարիբյան

Գրադարանավարներ, գիտնականներ, ուսանողներ, գյուտարարներ եւ տարբեր ոլորտի մասնագետներ ստորագրահավաք են սկսել՝ պահանջելով պահպանել «Նորամուծության եւ ձեռներեցության ազգային կենտրոն» ՊՈԱԿ-ի գիտատեխնիկական գրադարանն՝ իր եզակի փաստաթղթային ֆոնդերով՝ հատուկ գրադարանի համար կառուցված մասնաշենքում, որտեղ գտնվում է ավելի քան 21 միլիոն միավոր կազմող ֆոնդը: Մասնագետներն ահազանգում են, որ ֆոնդի տեղաշարժը, ամբողջականության խաթարումը կամ գրադարանի կարգավիճակի փոփոխությունն անդառնալի կորուստ կլինի մեր հանրապետության համար։

«Մասնաշենքը նախատեսված է փաստաթղթային տարբեր կրիչներով հսկայական ֆոնդի անվտանգ պահպանման եւ ի շահ՝ հանրության ու պետության օգտագործման։ Գրադարանային ֆոնդի կորուստը կհանգեցնի օգտվողների հիմնարար իրավունքների ոտնահարմանը։ Իսկ գրադարանում տասնամյակներ կուտակված հսկայածավալ գիտատեխնիկական տեղեկատվական բացառիկ ռեսուրսները չեն նպաստի մեր երկրում գիտելիքահենք տնտեսության ձեւավորմանը։ Սա ավանդապահ գրադարան է, որտեղ պահվող փաստաթղթերի մեծ մասը եզակի են Հայաստանի Հանրապետությունում», - ասած է հայտարարության մեջ:

Նշենք, որ տեւական ժամանակ խոսակցություններ են շրջանառվում ֆոնդի հնարավոր տեղափոխման, գրադարանի կարգավիճակի փոփոխության եւ անգամ Կոմիտասի պող., 49/3 շենքի օտարման մասին, որտեղ տեղակայված է գրադարանը: Անդրադառնալով վերոնշյալին՝  «Իրավունք»-ը զրուցել է «Նորամուծության եւ ձեռներեցության ազգային կենտրոն» ՊՈԱԿ-ի Գիտատեխնիկական գրադարանի երկարամյա ղեկավար ԼԵՎՈՆ ՂԱՐԻԲՅԱՆԻ որդու՝  դերասան, պրոդյուսեր ԴԱՎԻԹ ՂԱՐԻԲՅԱՆԻ հետ:

«Հայրս իր ամբողջ կյանքն է նվիրել եւ տարիներով պայքարել է Գիտատեխնիկական գրադարանի պահպանման համար: Եվ այսօր, երբ հայրս արդեն մեկ տարի է հեռացել է կյանքից, որոշեցին նորից հարձակվել եւ գրադարանը փակելու փորձեր անել: Ինչպե՞ս կարելի է այդքան տգետ լինել ու չհասկանալ այդ գրադարանի ֆոնդերի կարեւորությունը՝ մեր երկրի համար: Չնայած՝ ի՞նչ երկիր… Երկիրը կերան», - ցավով արձանագրեց Դավիթ Ղարիբյանը:

Գիտատեխնիկական գրադարանի ստեղծման օրից այն ղեկավարած Լեւոն Ղարիբյանի որդին նաեւ վստահեցրեց. «Հայրս ողջ չէ, բայց ես կամ ու, անկախ նրանից, որ գտնվում եմ Միացյալ Նահանգներում, պայքարելու եմ մինչեւ վերջ՝ Գիտատեխնիկական գրադարանի պահպանման համար՝ խնդրի վերաբերյալ հրավիրելով միջազգային մամուլի եւ ՅՈՒՆԵՍԿՕ-յի ուշադրությունն ու կոչ անելով, որպեսզի ինձ հետ միասին պայքարեն սոցցանցերում իմ միլիոնավոր հետեւորդները»:

ՀՐԱՆՏ ՍԱՐԱՖՅԱՆ

Այս թեմայով Արարատում ծեծկռտուքի գործով կալանավորվել է Մասիսի նախկին քաղաքապետ Դավիթ Համբարձումյանի եղբայրը. Armlur Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը «Խլուրդը դո՛ւք եք, գաղտնիք բացեմ՝ ձեզնից ա ինֆորմացիան եկել»․ Լևոն Քոչարյանը՝ Նիկոլ Փաշինյանին