«Կոնսերվատորիան քաղաքից դուրս տեղափոխելն անհեթեթ որոշում է». ՄԱՐՏԻՆ ՎԱՐԴԱԶԱՐՅԱՆ

«Իրավունքը» զրուցել է ՀՀ ժողովրդական արտիստ, պրոֆեսոր ՄԱՐՏԻՆ ՎԱՐԴԱԶԱՐՅԱՆԻ հետ:

— Ի՞նչ կարծիք ունեք կոնսերվատորիան Ակադեմիական քաղաք տեղափոխելու գաղափարի վերաբերյալ:

— Սա չհասկացող մարդու նախաձեռնություն է: Կոնսերվատորիան այն բուհը չէ, որ կարելի է միացնել ուրիշներին կամ տանել քաղաքից դուրս: Ես դեմ եմ այդ մտածելակերպին եւ կարծում եմ, որ սթափ մտածելակերպը կօգնի հրաժարվել այդ գաղափարից: Ի դեպ, սա կոնսերվատորիայի երրորդ շենքն է: Կոնսերվատորիան հիմնվել է նախկինում Սպանդարյանի վրա, որը հետո դարձավ փիլիսոփայության ինստիտուտ: Հետո պոնչիկանոցի դիմացի շենքն էր: Դրանից հետո կոմպոզիտոր Ղազարոս (Լազար) Մարտիրոսովիչ Սարյանը դիմեց կառավարությանը: Եվ կառավարությունը հատկացրեց վայրն ու կառուցեց ներկայիս կոնսերվատորիայի շենքը՝ հաշվի առնելով նրա աշխարհագրական դիրքը, հասանելիությունը, հնարավորությունը շփվելու մնացած երաժշտական կենտրոնների հետ: Հիմա այդ շենքն ի՞նչ պետք է դառնա, ես չգիտեմ: Չնայած՝ կասկածներ կան, որոնք ես հիմա չեմ ուզում բարձրաձայնել, որովհետեւ համոզված չեմ: Ոչ ոքի թույլ չեն տալիս գնալ, որտեղ վերանորոգում է, բայց ինքը՝ երեւույթն անհեթեթություն է: Պատկերացրեք Մոսկվայի կամ Փարիզի կոնսերվատորիան հանեն, քաղաքից տանեն հեռու մի վայր:

— Պարոն Վարդազարյան, ինչպե՞ս եք պատրաստվում այդ ամենի դեմ պայքարել:

— Նույնիսկ մեր երաժիշտների շրջանում եղան մարդիկ, որոնք ասացին` կառավարությունը կարող է գնա, անջատվի, ինչպես Բրազիլիայում մայրաքաղաքն ազատեցին կառավարության ներկայացուցչությունից, եւ ստեղծվեց Բրազիլիա քաղաքը, որտեղ կառավարությունն է նստում: Դրանով երթեւեկությունն էլ կթեթեւանա: Բավական է կառավարությունից մի մարդ անցնի, կես ժամով փողոցները փակվում են: Այնտեղ իրենց համար կնստեն, իրենց որոշումները կկայացնեն: Ճիշտ կլինի, որ կառավարությունը լինի մայրաքաղաքից դուրս, ինքնուրույն, ինքնաղեկավարվող:

— Այսօրվա երաժշտական ճաշակի` կլկլոցների, ռաբիսի մասին ի՞նչ կասեք: Արդյո՞ք դա չի տանում մեզ հոգեւոր կործանման:

— Նրանք երեւի ուզում են միայն դա մնա: Գուցե մնացածն իրենց համար հասանելի չէ: Դրա համար որոշել են այդպիսի որոշումներ կայացնել: Ցանկացած երկրում այսպիսի որոշումը ծիծաղ կառաջացներ, կանցներ, կգնար: Բավական է, որ մեր հայ կատարողները` այն երաժիշտները, որոնք գտնվում են արտասահմանում, որոնցից ամեն մեկը ներկայացնում է հայ կատարողական երաժշտական արվեստն արտերկում, ձայն բարձրացնի, մի նախադասություն գրի, սա կլինի աշխարհով մեկ խայտառակություն՝ այս կառավարության եւ, առաջին հերթին` այդ որոշումը կայացնողների համար: Նման որոշումներ կայացնելուց առաջ՝ նախեւառաջ հարկավոր է այս հանգամանքն էլ նկատի ունենալ…

ՆՈՒՆԵ ԶԱՔԱՐՅԱՆ

Այս թեմայով CNN-ը ցույց է տվել Թրամփի դիմանկարը, որը Պուտինը նվիրել է մարտին Կենդանակերպի այս 3 նշանները մարտին կստանան այն, ինչի մասին դեռ վաղուց էին երազում․․․ Փողը կթափվի երկնքից.․․Կենդանակերպի հաջողակ նշաններ, որոնց մարտին Տիեզերքը հարստությամբ կօրհնի Կենդանակերպի այս նշանները 2025 թվականի մարտին առանց փողի կմնան Կենդանակերպի այս 2 նշաններն իրենց կյանքի լավագույն որոշումը կկայացնեն 2025 թվականի մարտին