Գյումրիում տեղի կունենա «Ճախրուկ» ամենամյա միջազգային 3-րդ փառատոնը

Արդեն 3-րդ տարին է, ինչ տեղի է ունենում հատուկ կարիքներ ունեցող մարդկանց ազգային երաժշտության «Ճախրուկ» ամենամյա միջազգային փառատոնը, առաջինը Վանաձոր քաղաքում էր, երկրորդը՝ Սաղմոսավանքի բակում, իսկ այս տարի այն կկայանա օգոստոսի 12-ին, ժամը՝ 19։00-ին Գյումրու Վարդանանց հրապարակում՝ մասնակցությամբ արտերկրից ժամանած հատուկ կարիքներ ունեցող խմբերի, առաջին անգամ՝ Հայաստանի բոլոր մասնագիտացված մանկատների, խնամքի կենտրոնների, հատուկ կրթահամալիրների, ինչպես նաեւ Երեւանից եւ ՀՀ մարզերից անհատ կատարողների։

Յուրաքանչյուր տարի փառատոնի ժամանակ մասնակիցների եւ հյուրերի ձեռքով ստեղծվում է «Ճախրուկի» խորհրդանշական «Հոգու թռիչք» կտավը։ Այս տարի Akneye նախաձեռնությունը միացել է «Ճախրուկ» ամենամյա միջազգային փառատոնին և բոլոր մասնակիցները Ճախրուկի խորհրդանշական կտավ ստեղծելու փոխարեն նկարելու են Akneye-ի քանդակի վրա։

Akneye-ը նորարական արվեստի ներկայացման եւս մեկ հնարավորություն է: Իր տեսակի մեջ յուրօրինակ քանդակները ցուցադրվել են աշխարհի բոլոր մայրցամաքներում՝ միջազգային Էքսպոների եւ ցուցահանդեսների ընթացքում: Նախաձեռնությունը հավասար պայմաններ է ստեղծում ինչպես փորձառու արվեստագետների համար, այնպես էլ սկսնակների: Աչքի քանդակի վրա արդեն իսկ նկարել են միջազգային մեծ համբավ վայելող արտիստներ: Akneye-ն սիրով միացել է «Ճախրուկ» միջազգային փառատոնին, որի ընթացքում «Ճախրուկ»-ները կնկարեն Akneye-ի խորհրդանշական աչքի վրա, որի NFT տարբերակը կստեղծվի եւ կտեղադրվի ftNFT մարքեթփլեյսում, իսկ վաճառքից առաջացած գումարը կուղղվի Ճախրուկների մշակութային գործունեության ընդլայնմանը խնամքի հաստատություններում:

Նշենք, որ փառատոնի հիմնադիրներն են երաժիշտ քույրեր Աննա եւ Անահիտ Մխիթարյանները, ովքեր շուրջ 4 տարի որպես կամավորներ աշխատում են Խարբերդի մասնագիտացված մանկատանը։ Այնտեղ հիմնել են «Ճախրուկ» մշակութային կենտրոնը, որտեղ մանկատան երեխաներին սովորեցնում են ազգային, հոգեւոր երգ -երաժշտություն, ազգային փողային եւ հարվածային նվագարաններ։ Բացի սովորեցնելը՝ Խարբերդի մասնագիտացված մանկատանը եւ Գյումրու «Երեխաների տուն» ՊՈԱԿ-ում ազգային եւ հոգեւոր երաժշտության կենդանի կատարման միջոցով տանում են աշխատանքներ՝ նպաստելով հոգեկան առողջության բարելավմանը։ «Ճախրուկ»-ի գաղափարախոսությունն է. «Ֆիզիկական հնարավորությունները ոչինչ են, եթե չունես հոգու թռիչք»:

Այս թեմայով Եվրոպան՝ իր քաղաքացիներին Ռուսաստանի դեմ պատերազմի է պատրաստում. Աբրահամյան Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Հուսիթները խոցել են Էր-Ռիադի միջազգային օդանավակայանի վառելիքի բազան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները «Հրապարակ». Աննա Հակոբյանը չի՞ ցանկանում կրթել Թագուհուն