Վեց թեկնածու կմրցեն՝ Օպերայի եւ բալետի ազգային ակադեմիական թատրոնի տնօրենի թափուր պաշտոնի համար 

ՀՀ ԿԳՄՍ նախարարությունը հայտարարել էր Ա. Սպենդիարյանի անվան օպերայի եւ բալետի ազգային ակադեմիական թատրոնի տնօրենի թափուր պաշտոնը զբաղեցնելու համար մրցույթ: Հուլիսի 10-ին լրացել է հայտերը ներկայացնելու ժամկետը, իսկ թե քանի թեկնածու կա եւ ովքեր են նրանք, «Իրավունքը» փորձեց մանրամասներ պարզել նախարարությունից:

«Անուններ չենք կարող հայտնել, միայն կարող եմ ասել, որ դիմել են վեց հոգի, որոնք համապատասխանում են սահմանված չափանիշներին: Իրավունք չունենք ասելու, թե նրանք ովքեր են, որովհետեւ գուցե թեկնածուներից որեւէ մեկը, օրինակ, չի հաղթահարում նշաձողը եւ չի ցանկանում, որպեսզի իր անունը հրապարակայնացվի: Դիմողներն իրենք իրավունք ունեն եւ կարող են հանրայնացնել այդ տեղությունն, ըստ իրենց ցանկության», մեզ հետ զրույցում ասաց ԿԳՄՍ նախարարության տեղեկատվության բաժնի պետ ԿԱՐԻՆԵ ՄԱՆՈՒԿՅԱՆԸ:

Նշենք, որ թեկնածուներն անցնելու նախ թեստային փուլ՝ օգոստոսի 4-ին: Նրանք, ովքեր կհաղթահարեն թեստային հարցաշարը եւ կապահովեն 90 տոկոս արդյունք, կհամարվեն տվյալ փուլը հաղթահարած: Հաջորդ փուլն արդեն հարցազրույցի տեսքով է լինելու՝ օգոստոսի 8-ին, որտեղ թեկնածուները կներկայացնեն թատրոնի զարգացման իրենց ծրագրերը: Իսկ թե ովքեր են լինելու ընտրող հանձնաժողովի կազմում, կրկին չի հանրայնացվում:

«Հանձնաժողովը ձեւավորվում է թեստային փուլից մեկ օր առաջ», - ընդգծեց նախարարության ներկայացուցիչը:

Ի դեպ, հիշեցնենք, որ օգոստոսի 1-ին լրանում է ուղիղ երկու տարին, որ օրենքի խախտմամբ՝ ԿԳՄՍ նախարարությունը Ա. Սպենդիարյանի անվան օպերայի եւ բալետի ազգային ակադեմիական թատրոնի տնօրենի թափուր պաշտոնի համար մրցույթ չէր հայտարարվում: Ժամանակին այս օրինազանցությունը գերատեսչությունն արդարացրել էր նրանով, թե մրցույթի կանոնադրության մեջ ցանկանում են փոփոխություն կատարել, դրա համար է հետաձգվում: Մինչդեռ 1,5 տարի է այդ կարգն արդեն իսկ հաստատվել էր, իսկ ամենամեծ բյուջեն ունեցող մշակութային օջախը թողնվել ԺՊ-ի հույսին:

Այդուհանդերձ, թե որն էր այսքան ժամանակ ձգելու իմաստը, ԿԳՄՍ նախարարության կուլիսներում ասում էին, որ իշխանությունը չի գտնում իր համար նախընտրելի թեկնածու, որին ժամանակին հավակնում էր անգամ մշակույթի նախկին նախարարներից մեկը: Հետեւապես, եթե հիմա անցկացվում է մրցույթը, նշանակում է, որ գտնվել է իշխանության քիմքին հարմար թեկնածու, իսկ եթե՝ ոչ, ուրեմն՝ ամեն ինչ կարվի, որպեսզի մրցույթում հաղթող չլինի: Ուղղակի, սրանով նախարարությունը կմաքրագրի այն, որ փոխնախարար Տիգրան Խզմալյանի պատասխանատվության ներքո՝ տեղի է ունեցել օրենքի խախտում ու մրցույթ չի անցկացվել:

ՀՐԱՆՏ ՍԱՐԱՖՅԱՆ

Այս թեմայով Ոչ թե ես եմ մարդ առևանգել, այլ ՀՀ-ում պետական պաշտոնյաների աթոռներին նստած հանցավոր խումբն է ինձ առևանգել. Սուրեն Մանուկյան Տիկ տոկ հարթակը պետք է վերահսկվի հատուկ կառույցների կողմից, եւ վերացվեն պոռնոգրաֆիա պարունակող էջերը. Մանուկյան Թուրքիայի Ազգային անվտանգության խորհրդի նիստում քննարկվել է Ադրբեջանի և Հայաստանի միջև խաղաղության գործընթացը ՀՀ ԶՈՒ ԳՇ պետը Կիպրոսի ազգային գվարդիայի գլխավոր շտաբի պետ քննարկել է պաշտպանության բնագավառին առնչվող հարցեր Կես խոսքից չորսս էլ իրար հասկացանք. Պարոնյան թատրոնի կանայք կարեւոր հարց են բարձրացնում