Շուշիի ազատագրման օրը անհրաժեշտ է նշել` այդ թվում պետական կարգով. Հայտնի փաստաբանը բերդաքաղաքի ազատագրման 30-ամյակին ընդառաջ

Մոտենում է մայիսի 8-ը` Շուշիի ազատագրման օրը, բերդաքաղաքը արդեն երկրորդ տարին կլրանա ինչ գտնվում է օկուպացված է թշնամու կողմից:

Որքանո՞վ է անհրաժեշտ շարունակել այդ օրը նշել որպես տոն հարցի պատասխանը փորձել ենք ստանալ արցախյան պատերազմին իր գործուն մասնակցությունը ունեցած` որդու եւ ընկերների հետ պատերազմի առաջին իսկ օրը ռազմի դաշտ մեկնած հայտնի փաստաբան, «Լեվ  Գրուպ» փաստաբանական ընկերության հինադիր ղեկավար ԼԵՎՈՆ ԲԱՂԴԱՍՐԱՅԱՆԻՑ, ով միանշանակ նկատեց.

-Ես կփորձեմ իրավական գնահատականը տալ. դա Հայաստանի պատմությունն է, որով արձանագրվում է, որ Շուշին ազատագրվեց: Միանշանակ Շուշիի ազատագրման օրը անհրաժեշտ է նշել` պարտադիր պայման եմ տեսնում, այդ թվում պետական կարգով, որովհետեւ դա համաժողովրդական տոն է: 

Ինչ վերաբերում է նրան, որ Շուշին արդեն երկորդ տարին է, ինչ հարեւան մելիքության տիրապետության տակ, ապա ցանկանում եմ արձանագրել, որ ըստ էության, հարկադրաբար մեզանից խլվեց մեր արժամապատվությունը, եւ այսօր անհրաժեշտ է, որպեսզի այդ արժանապատվությունը, աստվածային բնական իրավունքի նորմը վերականգնվի: Լիահույս եմ, որ գալու եմ, որ այդ օրը, որը վերականգնվելու է մեր բնական իրավունքի նորմը` արժանապատվությունը:

Փաստաբանը ընդգծում է.

-Արժանին պետք է մատուցել նրանց, ովքեր առաջին արցախյան ազատամարտին,ոչ միայն ազատագրեցին հայկական պատմական տարածքները, այլ նաեւ պահեցին ու հանձնեցին քաղաքական իշխանությանը, որոնց ապաշնորհ քաղաքականության հետեւանքեով`դա վերաբերվում է առաջին նախագահից սկսած, չկարողացան իրավական, քաղաքական հարթակում պահել։

ԻԼՈՆԱ ԱԶԱՐՅԱՆ