ԶԱՐՄԱՆՔ

Աչքներդ լույս,  շատ լավ եք հոգում  Հայաստանի տեղեկատվական անվտանգության մասին:  Այնքան լավ, որ կոտրել են gov.am, primeminister.am, e-gov.am պաշտոնական կայքերը, որոնք  կառավարությանն են, վարչապետինը, իսկ e-gov.am-ը էլեկտրոնային կառավարության հարթակն է, որով  արդենը տասը տարի է քաղաքացիների համար հեշտացել է դիմումներին  արագ էլեկտրոնային պատասխան ստանալու,  այս կամ այն հարցով պետական գերատեսչություններին դիմելու կարգը, ինչը կարելի է անել  տան կամ հիմնարկի համակարգչից... Եվ դա այն պայմաններում, երբ  ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԸ համապատասխան նախարարության անվան մեջ են մտցված: Սակայն դա  ոչ թե զարմանալի է, այլ լիովին օրինաչափ: Եթե անտեսելով ռազմական գործողությունները, կառավարական համապատասխան ռեսուրսները շարունակում են օգտագործել  ըդդիմությանը  ահաբեկող  եւ հայհոյող ֆեյքեր բուծելու ուղղությամբ, փոխանակ  հակադրվեն Ադրբեջանի տեղեկատվական գրոհին ու  կիբերհարձակումներին: Զարամանալի է, բայց փաստ` այս քայլասերվածները  ընդդիմադիրներին եւ ընդհանրապես այլ կարծիք ունեցողներին ավելի վտանգավոր են համարում, քան թուրքերին: Չէ՞ որ Նիկոլն ասել էր` Ալիեւը կիրթ մարդ է:

Ինչ եք կարծում, ո՞րն է աշխարհի ամենակարեւոր երկիրը` Ամերիկա՞ն, Ռուսաստա՞նը, Եվրոպայի որեւէ երկի՞ր, Չինաստա՞նը... Ահա եւ սխալվեցիք, ինչքան էլ զարմանալի լինի, դա  ԳՎԱՏԵՄԱԼԱՆ է: Գվատեմալայի Հանրապետության Կոնգրեսի առաջին փոխնախագահ Ֆելիպե Ալեխոս Լորենզանան դատապարտել է ՀՀ Տավուշի մարզի ուղղությամբ Ադրբեջանի ձեռնարկած հարձակողական գործողությունները: Այդ մասին նա գրառում է կատարել թվիթերի իր միկրոբլոգում: «Դատապարտում ենք հուլիսի 12-ին ՀՀ Տավուշի մարզի ուղղությամբ Ադրբեջանի ձեռնարկած հարձակումը: Մենք մերժում են պատերազմական գործողությունները եւ կոչ ենք անում խնդրին լուծում գտնել դիվանագիտական ճանապարհով»,- գրել է Լորենզանան: Ուստի շնորհավորում ենք Զոհրաբ Մնացականյանին ԱԳՆ-ի փայլուն արդյունքների համար` այդպիսի կարեւոր երկիր ադրբեջանցիներին որակել է ագրեսոր ու դատապարտել ագրեսիան:

Հիմա տեղեկատվական դաշտում տարատեսակ նիկոլա-լեւոնական եւ սորոսական ԱԿՏԻՎԻՍՏՆԵՐ, ինչպես նաեւ տնայնաբույծ փորձագետներ հայհոյում են ՀԱՊԿ-ին այն բանի համար, որ  իր հայտարարության մեջ Հայաստանին ու Ադրբեջանին դրել է նույն նժարի վրա. «ՀԱՊԿ քարտուղարությունում լուրջ անհանգստություն են հայտնում այս տարվա հուլիսի 12-ին Հայաստանի եւ Ադրբեջանի զինված ուժերի ստորաբաժանումների բախման հետեւանքով հայ-ադրբեջանական սահմանին առաջացած իրավիճակի լարվածության կապակցությամբ, որի ընթացքում օգտագործվել է նաեւ ծանր սպառազինություն, ինչի հետեւանքով կան սպանվածներ եւ վիրավորներ»: Դե ինչ ասես, զարմանալի է, որ ՀԱՊԿ-ի մասին  ամենեւին չէին մտածում  2018-ին, երբ ՀԱՊԿ-ի շուրջ սկանդալներ էին հրահրում եւ քրեական հետապնդման ենթարկում ու պաշտոնից հետ կանչում ՀԱՊԿ-ի գլխավոր քարտուղար Յուրի Խաչատուրովին: Դե ինչ ցանել եք, այն էլ հնձում եք, այ թավշյա բույսեր եւ կենդանիներ:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ

Այս թեմայով Ի՞նչ է նշանակում նախարարի «չեմ մտածել»-ը. ԶԱՐՄԱՆՔ Արհեստական բանականությունը ստեղծել է ձայներ, որոնք դժվար է տարբերակել իրական ձայնից.Տեղեկատվական անվտանգության փորձագետը զգուշացնում է Ո՞ւր էիք դուք. ԶԱՐՄԱՆՔ ԶԱՐՄԱՆՔ ԶԱՐՄԱՆՔ