Ինչ խնդիրներ կարող են ծագել այն մարդկանց մոտ, որոնք քիչ բանջարեղեն եւ միրգ են ուտում

Մարդկանց մոտ, որոնք ոչ բավարար քանակի միրգ ու բանջարեղեն են ուտում, բարձր է տագնապային խանգարման զարգացման վտանգը։ Այս մասին ասվում է նոր հետազոտության մեջ, որը հրապարակվել է International Journal of Environmental Research and Public Health-ում։

«Մարդկանց մոտ, որոնք օրվա ընթացքում մրգեր ու բանջարեղեն են ստանում երեքից քիչ աղբյուրներից, տագնապային խանգարման ախտորոշման ռիսկը մեծանում է առնվազն 24 տոկոսով»,- նշել է Քվանտլենի պոլիտեխնիկական համալսարանի սննդի ինֆորմատիկայի լաբորատորիայի տնօրեն, հետազոտության առաջատար հեղինակ Կառեն Դեյվիսոնը։

Գիտնականները նաեւ նկատել են, որ երբ ճարպի քանակը մասնակիցների օրգանիզմում գերազանցել է 36 տոկոսը, տագնապային խանգարման զարգացումը մեծացել է ավելի քան 70 տոկոսով։

«Օրգանիզմում ճարպի քանակի մեծացումը կարող է կապված լինել բորբոքման առավել բարձր մակարդակի հետ։ Հետազոտությունները ցույց են տալիս, որ տագնապային խանգարումները կարող են կապված լինել բորբոքման հետ»,- ասել է Դեյվիսոնը։

Հետաքրքիր է, որ տագնապայնության առաջացման վրա ազդում են նաեւ սեռը, քաղաքացիական վիճակը, եկամուտը եւ որոշ հիվանդություններ։ Նաեւ գիտնականները տագնապայնության բարձր ռիսկ են հայտնաբերել միգրանտների մոտ։ Հետաքրքիր է, որ կանանց մոտ այդ խնդիրն ավելի հաճախ է առաջանում՝ տագնապայնության հետ բախվել է 9 կանանցից 1-ը եւ 15 տղամարդկանցից 1-ը։ Միայնակների մոտ տագնապայնության ռիսկը բարձրանում է 13,9 տոկոսով, ինչը շատ ավելի բարձր է, քան նրանց մոտ, ով ապրում է զուգընկերոջ հետ (7,8 տոկոս)։

Այս թեմայով Անթույլատրելի է խոսել խախտված իրավունքից խախտելով այլոց իրավունքը 5 ամառային Spritz կոկտեյլներ, որոնք կարող եք խմել արեւի տակ Ուկրաինայում չկան մարդիկ, որոնք իրավասու են խաղաղություն կնքել. Դմիտրի Մեդվեդև «Հրապարակ». Ալիևը նոր պահանջներ է ներկայացրել Հայաստանին, որոնք են դրանք Շնորհավոր Ձեր մասնագիտական տոնը մեր օրերի Վնասվածքաբանության գուրու Արմեն Գերասիմովիչ