Ժերար Դեպարդյեն ձերբակալվել է
ՄիջազգայինՖրանսիացի դերասան Ժերար Դեպարդյեն ձերբակալվել է սեռական ոտնձգությունների մեղադրանքով ցուցմունք տալու համար։ Այս մասին հայտնում է BFMTV հեռուստաալիքը։
Դերասանը մեղադրվում է երկու կանանց նկատմամբ բռնություն գործադրելու մեջ։ Իրավապահ մարմինների ներկայացուցիչների խոսքով՝ մեկ փաստ արձանագրվել է 2014 թվականին Ժան Պիեռ Մոկիի «Մագը և սիամացին» ֆիլմի նկարահանման հրապարակում, երկրորդը՝ 2021 թվականին Ժան Բեքերի «Կանաչ կափարիչներ» ֆիլմի նկարահանման հրապարակում։ Ինքը՝ Դեպարդյեն, համաձայն չէ մեղադրանքների հետ։
2013 թվականի հունվարին Դեպարդյեն ստացել է Ռուսաստանի քաղաքացիություն։ Նույն թվականի փետրվարին դերասանը շրջանի ղեկավար Ռամզան Կադիրովի ձեռքից ստացել է Չեչնիայի Հանրապետության պատվավոր քաղաքացու կոչում և Գրոզնիում հինգ սենյականոց բնակարանի բանալի։ 2013 թվականի դեկտեմբերին Դեպարդյեն Նովոսիբիրսկում բնակության թույլտվություն է ստացել։
2015 թվականի հուլիսին Դեպարդյեն Ուկրաինայում դարձել է «պերսոնա նոն գրատա», և նրան արգելել են մուտք գործել երկիր հինգ տարով։ Ավելի ուշ դերասանն ընդգրկվել է այն մշակութային գործիչների ցանկում, որոնց գործողությունները վտանգ են ներկայացնում Ուկրաինայի ազգային անվտանգության համար։