ԱՌԱՋԻՆ ԱՆԳԱՄ ԿԱՅԱՑԵԼ Է ՊԱՈՒԵՐԼԻՖԹԻՆԳԻ ՀԱՅԱՍՏԱՆԻ ԱՌԱՋՆՈՒԹՅՈՒՆԸ

Հայաստանի պաուերլիֆթինգի /ուժային եռամարտ/ ֆեդերացիայի նախագահ ԳԱԳԻԿ ՍԱՐՈՅԱՆԸ, Iravunk. com - ի մարզական թղթակցին տեղեկացրեց, որ օրերս ֆեդերացիայի և Թալինի համայնքապետարանի ջանքերով, Թալինի «Գարեգին Ավդալյանի» անվան մարզադպրոցում կայացել է պաուերլիֆթինգի Հայաստանի առաջնությունը,որը առաջին անգամն էր այստեղ, պառկած սեղմում և ձգում վարժություններից։

Առաջնությանը մասնակցել են 23 թիմերի և անհատ ընդհանուր 167 մարզիկներ, որոնց թվում էին Աշխարհի ու Եվրոպայի չեմպիոններ, ինչպես նաև մրցանակակիրներ, իսկ առաջնության ընդհանուր մասնակիցների թիվը 230-ից ավելի էր։ Առաջնությունը անցկացվում էր տղամարդկանց ու կանանց մրցապայքարում, պատանիների, մեծահասակների և հաշմանդամների խմբերում։ Առաջնության ժամանակ, բացի անհատականից, անցկացվեց նաև բացարձակ և թիմային հաշվարկ։ Հաղթողները և մեդալակիրները ստացան դիպլոմներ, մեդալներ, գավաթներ, բացարձակ հաշվարկի մեդալակիրները ստացան նաև  դրամական պարգևներ։ Ըստ վարժությունների և քաշային կարգերի, մրցանակային տեղեր են զբաղեցրել հետևյալ մարզիկները. Պառկած սեղմում 44֊56 Գրետա Վարդանյան /պարալիմպիկ ֊56 կգ քաշային կարգ, 122,32 միավոր, Արթուր Բաբայան, պարալիմպիկ 52 քաշային կարգ 107,22 միավոր, Խորեն Ծատուրյան, պարալիմպիկ 56 քաշային կարգ, 103,83 միավոր, 60֊82,5։ Հարություն Մխիթարյան, պարալիմպիկ ֊67,5 կգ, 115,61 միավոր, Արմեն Նիկողոսյան, պատանիներ 60 կգ, 114,58 միավոր, Ժորա Բոնդարյան, մեծահասակներ 82,5 կգ, 103,04 միավոր, 90֊110+, Աշոտ Անտոնյան, մեծահասակներ 90 կգ, 102,14 միավոր, Արթուր Իսկանդարյան, մեծահասակներ 90 կգ, 96, 68 միավոր, Սեդրակ Մացակյան, մեծահասակներ 110 կգ, 95,57 կգ ։Ձգում վարժությունում Գարիկ Վարդանյան, Մելսիկ Մարտիրոսյան, Մալվինա Էվինյան, Գառնիկ Սահակյան, Արմեն Ղազումյան, Վահե Բուդաղյան, Լաբեր Գրիգորյան, Դավիթ Ավետիքյան, Սեդրակ Մացակյան ։Թիմային հաշվարկում, ըստ վարժությունների մրցանակային տեղեր են զբաղեցրել հետևյալ թիմերը, Պառկած սեղմում 1.Սպիտակի հավաքական թիմը 2.Հայաստանի ազգային պարալիմպիկ կոմիտեն 3.Հայրավանքի հավաքական թիմը։ Ձգում. 1.Աբովյանի հավաքական թիմը 2.Թալինի «Հայ Էմ» դյուցազնատունը 3.Էջմիածնի հավաքական թիմը։ Հաղթող մասնակիցները կմեկնեն Լեհաստան մասնակցելու Եվրոպայի առաջնությանը։ Հատկանշական է, որ պաուերլիֆթինգի Հայաստանի առաջնությունը առաջին անգամ էր կայանում Թալինում, սա մեծ խթան կհամդիսանա, որպեսզի մարզերում էլ մեծ մասսայականություն ստանա, զարգանա այս մարզաձևը։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ