Պատերազմի վտանգով մեզ վախեցնում են, որ «տանք` պրծնենք. Լոքմագյոզյան

Միջինարեւելյան ուսումնասիրությունների կենտրոնի տնօրեն, թուրքագետ ՏԻՐԱՆ ԼՈՔՄԱԳՅՈԶՅԱՆԸ Հայաստանի վրա Թուրքիայի կողմից հարձակման վտանգ չի տեսնում: Ըստ նրա` վտանգը կա Ադրբեջանի կողմից:

— Այդ պատերազմի վտանգով մեզ վախեցնում են, որ «տանք` պրծնենք», սա էլ տանք, այն էլ տանք, այո՛: Իհարկե, եթե հասարակությունը տեղի տա դրան, այն ժամանակ պատերազմ չի լինի, առանց պատերազմի կտանք տարածքներ: Բայց այնպես չէ, որ դրանից հետո Ադրբեջանի ախորժակը փակվելու է, քանի որ տվող կա, ախորժակը ուտելուց է բացվում, ուրիշ բաներ էլ է ուզելու, կամ էլ մենք ենք առաջարկելու: Արցախում ինչի՞ համար պատերազմ եղավ, Արցախը խաղաղ պայմաններում կարող էին հանձնել, Նիկոլը գնաց այնտեղ, որի նպատակն այն էր, որ համոզեր խաղաղ պայմաններում Արցախը տային: Բայց չստացվեց, Ստեփանակերտում նա էլ կանգնած հայտարարեց, որ Արցախը Հայաստան է եւ վերջ, այսինք՝ Արցախը մնում է Հայաստանին կառչած, Արցախը չի ուզում հողեր հանձնի, դրանով իր միսիան Արցախում ավարտվեց: Եվ գրեթե օրեր անց պատերազմը սկսվեց: Սա մեսիջ էր Բաքվին ուղղված, թե ես իմս արել եմ, այս մարդիկ չեն ընդունում, դե սկսի: Հիմա նույնն էլ Հայաստանի պարագայում, եթե հասարակությունը շատ ընդդիմանա, տեսնեն` չէ, չի ստացվում, ասելու են այս գյուղերը Հայաստանի գյուղերն են եւ վերջ, ժողովուրդը չի ուզում տալ, Ադրբեջանին մեսիջ ուղարկելով, թե ինչ ուզում ես, արա:

Ս. ԱՍԱՏՐՅԱՆ

Հ.Գ.- Հարցազրույցի շարունակությունը կարդացե՛ք թերթի առաջիկա համարներից մեկում:

Այս թեմայով Այսօր, դժբախտաբար, մեր ներսից ենք ստանում հարվածները. Լոքմագյոզյան 1.5 միլիոն քո ազգիցդ կոտորվել է, եւ դու դա հարցականի տակ ես դնո՞ւմ, էլ ի՞նչ անուն տանք այս մարդկանց. թուրքագետ Թուրքը ոչ մի բան չի կարող անել, քանի դեռ ռուս զինվորն այնտեղ կանգնած է. Լոքմագյոզյան Եթե Թուրքիան անկեղծ լիներ, ո՛չ միջանցք կպահանջեր, ո՛չ էլ Հայաստանին կփորձեր պարտադրել հաշտության պայմանագիր կնքել. Չաքրյան Այս դասագրքերով դաստիարակում են մի սերունդ, որը պետք է ստրուկի պես ծառայի թուրքին. Պետրոսյան