Այս դասագրքերով դաստիարակում են մի սերունդ, որը պետք է ստրուկի պես ծառայի թուրքին. Պետրոսյան

«Խոտանել խեղաթյուրված դասագիրքը» նախաձեռնությունը շարունակում է ակցիաները` ՀՀ ԿԳՄՍ նախարար Ժաննա Անդրեասյանի հրաժականի պահանջով: Նախաձեռնության անդամներն այսօր` ժամը 15:00-ին, «Հայ դպրոցը հեռու պահել հակազգային հոսանքների եւ գաղափարների ազդեցությունից» նշանաբանով հերթական ակցիան կիրականացնեն ԿԳՄՍ նախարարության շենքի դիմաց: Նախաձեռնության անդամները կոչ են անում հայ ծնողներին, աշակերտներին, ուսուցիչներին, ակադեմիականներին, հասարակական գործիչներին, պրոֆեսիոնալ խմբերին եւ համայնքներին, մեր ապագա սերունդների արժեհամակարգը եւ ինքնությունը վտանգված համարող հայրենասեր մարդկանց եւ մեր ժողովրդին ազգային անվտանգության խնդիրների լուծմամբ հետաքրքրված անձանց նշված ժամին ներկա լինել ակցիայի վայրում: Ըստ նախաձեռնող մարմնի անդամ, ՀԺՇ համակարգող, քաղաքագետ-թուրքագետ ՎԱԶԳԵՆ ՊԵՏՐՈՍՅԱՆԻ` այսօրվա դասագրքերը ո՛չ սովորեցնում են տրամաբանություն, ո՛չ էլ տալիս են հայեցի դաստիարակություն:

— Տպավորությունն այնպիսին է, որ այս ամենն արվում է, որպեսզի այս դասագրքերով դաստիարակեն մի սերունդ, որը պետք է ստրուկի պես ծառայի թուրքին: Այդ իսկ պատճառով պահանջում ենք ԿԳՄՍ նախարարի հրաժարականը: Եվ նկատի ունենալով, որ երկրի ղեկավարը իր վերջին հարցազրույցներում ասել է, թե ցանկություն ունի Եվրամիություն մտնել, խոսել է բարձր ժողովրդավարական արժեքների մասին` ուզում ենք հիշեցնել, որ ժողովրդավարական արժեքներով օժտված որեւիցե անձ, եթե իրենից պահանջում են իր հրաժարականն, ապա իր աշխատասենյակից կիջնի ներքեւ եւ կհարցնի` ինչո՞ւ ենք պահանջում իր հրաժարականը: Բայց քանի որ գտնվում ենք տոտալ բռնապետական իշխանության ներքո, դրա համար էլ նախարարը չի իջնում ներքեւ` մեր ակցիաների ժամանակ: Այն, ինչ անում է Ժաննա Անդրեասյանը գիտության, կրթության, մշակույթի բնագավառի հետ, դրանով նա տանում է երկիրը դեպի կործանման: Կործանում է մեր բոլորի տունը, Հայրենիքը, ինչպես կործանեցին Արցախը: Իհարկե, մենք շատ լավ հասկանու,մ ենք, որ այս պայքարը հեշտ ու հանգիստ չի լինելու, խնդիրներ են առաջանալու: Նա այսքան հեշտությամբ հրաժարական չի տալու, քանի որ այն դոմինոյի էֆեկտով հանգեցնելու է նրան, որ կառավարությունն ամբողջությամբ է ստիպված լինելու հրաժարական տալ:

— Պարոն Պետրոսյան, չե՞ք կարծում, որ չափազանց լավատես եք այս հարցում:

— Ես լավատես չեմ, իրատես եմ: Մեզ չի հետաքրքրում, թե նա եւ իր շրջապատն ինչպես են մտածում, մեզ հետաքրքրում է մեր երեխաների ճակատագիրը եւ մեր երկրի ապագան, մեզ հետաքրքրում է, որ մեր սահմանները լինեն անձեռնամխելի, մեր զինվորը լինի ապահով: Իսկ անձեռմխելի եւ ապահով լինելու համար` մենք կարիք ունենք Հայրենիքը սիրող եւ պաշտպանելու պատրաստ սերդնի: Մենք պետք է այդպիսի սերունդ դաստիարակենք: Պետք է լինենք հզոր, աշխարհը հզորների հետ է հաշվի նստում, թույլին շան տեղ էլ չեն դնում, այլ ֆուտբոլի գնդակի պես տշում են: Մենք չենք ուզում տշվենք: Եթե մարդ կա, որ ուզում է տշվի, այսօրվա իշխանություններն են, որոնք կատարում են Ցռան Վերգոյի դերակատարությունը` մեր պատմության մեջ:

— Այդուհանդերձ, ինչո՞վ կբացատրեք այն, որ նախարարը որեւէ կոմպրոմիսի չի էլ պատրաստվում գնալ, անգամ այդ խեղաթյուրված դասագրքերի հարցում, երբ դրա մասին բազմիցս ահազանգել է նաեւ Հայ Առաքելական եկեղեցին:

— Ժաննա Անդրեասյանը, եթե ինքնասիրություն ունենար, երբ Վանաձորում դուշի ցնցուղը տալիս էր իր ձեռքը Նիկոլ Փաշինյանը եւ ասում էր` տե՛ս, ինչ գին ունի, ինքն այդտեղ պետք է հրաժարական տար: Այս իշխանությունն իրենց վարած աշխատելաոճով միայն ուզում են ապացուցել, որ այս «բեսպրիդելում» իրենք անձեռմանխելի են: Մենք հասնելու ենք նրան, որ դասախոսները, ուսուցիչները, աշակերտները, դպրոցի տնօրենները գան եւ միանան այս նախաձեռնությանը: Մենք չենք ասում եկեք միացեք մեզ, ասում ենք` եկեք միանանք իրար եւ միասին փոխենք իրավիճակը:

ՀՐԱՆՏ ՍԱՐԱՖՅԱՆ

Այս թեմայով Ադրբեջանը Թուրքիայի պատճառով բավականին լուրջ խնդիրներ է սկսելու ունենալ Իրանի հետ. Բալասանյան Այսօր, դժբախտաբար, մեր ներսից ենք ստանում հարվածները. Լոքմագյոզյան Ոնց արա՛, եղեռնը դարձավ անհիմն հիշողությո՞ւն. Գեւորգ Պետրոսյան 1.5 միլիոն քո ազգիցդ կոտորվել է, եւ դու դա հարցականի տակ ես դնո՞ւմ, էլ ի՞նչ անուն տանք այս մարդկանց. թուրքագետ Էս մարդը ներքին ցեղասպանություն է իրականացնում. Գեւորգ Պետրոսյան