ՀՀ առաջին ամբիոնից ձայն բարձրացրեք` քաղբանտարկյալ Արտակ Գալստյանին խոշտանգում են. ակցիա` ԱԺ-ի դիմաց

«Լեւ Գրուպ» փաստաբանական ընկերության ղեկավար, հայտնի փաստաբան Լեւոն Բաղդասարյանը, հանդես գալով մամուլի ասուլիսով, ահազանգել էր, որ կալանքի տակ գտնվող «Հանրային ձայն» կուսակցության խորհրդի նախագահ Արտակ Գալստյանը հոգեբանական եւ ֆիզիկական խոշտանգումների է ենթարկվում` ձերբակալման պահից սկսած մինչ օրս:

Ի աջակցություն Արտակ Գալստյանի, երեկ «Հանրային ձայն» կուսակցության անդամները եւ համախոհները ակցիա իրականացրին ԱՄՆ դեսպանատան եւ Ազգային ժողովի շենքի դիմաց: Եվ թեպետ ակցիայի մասնակիցներից մի քանիսը, այդ թվում` Ա. Գալստյանի որդին` Հայկ Գալստյանը, բերման ենթարկվեցին, սակայն ակցիան կայացավ: Ակցիայի մասնակիցները մտավախություն ունեն, որ Ա. Գալստյանի կյանքին վտանգ է սպառնում, ինչի համար դիմում են ընդդիմադիր պատգամավորներին եւ խնդրում ՀՀ առաջին ամբիոնից ձայն բարձրացնել, որ Արտակ Գալստյանը խոշտանգվում է Քննչական կոմիտեում` որոշ քննիչների կողմից: Նրանց պահանջը մեկն է` «շուտափույթ կերպով ազատ արձակել ՀՀ քաղբանտարկյալ, «Հանրային ձայն» կուսակցության խորհրդի նախագահ Արտակ Գալստյանին»:

Ակցիային, որպես աջակից, մասնակցում էր նաեւ Մարտական խաչ 1-ին աստիճանի ասպետ, գնդապետ ՄԻՀՐԱՆ ՄՈՎՍԻՍՅԱՆԸ, ում հետ զրուցել է «Իրավունքը»:

— Պարոն Մովսիսյան, ի՞նչ կասեք Արտակ Գալստյանի եւ ի աջակցություն նրա ակցիայի նպատակի մասին:

— Փաստաբանների հետ զրուցել ենք եւ ստացել ենք համապատասխան տեղեկատվություն, որ Արտակ Գալստյանին խոշտանգել են Քննչական կոմիտեի շենքում: Մենք աֆրիկական պետություն չենք, կամ 1937 թիվը չէ, որ նման գործողություններ կատարվեն մեղադրյալի նկատմամբ, ընդհուպ` Քննչական կոմիտեի նախագահի ներկայությամբ կամ մասնակցությամբ: Այս մասին ի գիտություն նամակներ ենք հղել ԱԺ Մարդու իրավունքների պաշտպանության եւ հանրային հարցերի մշտական հանձնաժողովի նախագահին եւ ԱՄՆ դեսպանությանը: Եվ անկախ ամեն ինչից արձագանք կլինի, թե` ոչ, պարտավոր ենք հետամուտ լինել այն ամենին, ինչ կատարվում է մեր հարազատների նկատմամբ:

— Արդեն տեւական ժամանակ է, ինչ բարձրաձայնվում է, որ Արտակ Գալստյանը ենթարկվում է խոշտանգումների, սակայն ամենուր քար լռություն է: Ինչպե՞ս կբացատրեք սա:

— Ոչ միայն բարձրաձայնվում է, այլ համապատասխան հաղորդում է ներկայացված հանցագործության մասին: Սպասում ենք, որ քրական գործ հարուցեն, եւ պատշաճ ձեւով քննություն իրականացվի: Շատ շուտով, հուսով եմ, Արտակ Գալստյանը դեպքի մասին հայտարարությամբ հանդես կգա եւ կտեղեկացնի` ինչ է կատարվել իր հետ: Եթե իրավական դաշտում ենք գտնվում, ուրեմն` իրավական մոտեցում պետք է ցույց տալ: Ընդ որում` քննությունը պետք է վարեն ոչ թե Արգիշտի Քյարամյանի ենթակայության տակ գտնվող քննչական մարմինները, այլ` Ազգային անվտանգությունը:

ՀՐԱՆՏ ՍԱՐԱՖՅԱՆ

Այս թեմայով Վերագտնել մեզ. Լիլիթ Գալստյան Եթե տավուշյան պայքարը չտեղափոխվի Հանրապետության հրապարակ, մարելու է. Դավիթ Գալստյան Արցախը տվեցինք, արդյոք Հայաստանը պաշտպանված է. Թագուհի Թովմասյան Կառավարվող վարձկանների մի ոհմակ հարձակվել է Բագրատ Սրբազանի վրա՝ փորձելով նրան պիտակավորել. Լիլիթ Գալստյան Ժամը՝ 09:00-ին բոլորս հավաքվում ենք Օպերայի մոտ. Վարդան Ղուկասյանի հրատապ հայտարարությունը