«Փաստ». Առաջիկայում տեղի կունենա մի նախաձեռնություն, որը, ըստ Արևմուտքի, ավելի է խարխլելու հայ-ռուսական հարաբերությունները

««Փաստ» թերթի տեղեկություններով` Նիկոլ Փաշինյանի կողմից Բելառուսի նախագահ Ալեքսանդր Լուկաշենկոյին շնորհավորելու փաստի հետ կապված ներիշխանական կուլիսներում բավականին լուրջ տարաձայնություններ են եղել, որոնք առկա են մինչ օրս։ Այս հարցում հիմնական քննադատողի դերում է իշխանության արևմտյան ուղղվածության թևը, որը բացահայտ դժգոհ է եղել Փաշինյանի այդ քայլից։ Կառավարության մեր աղբյուրի փոխանցմամբ` այս առումով բավական կոշտ են եղել հատկապես, այսպես կոչված, սորոսական սեկտորրից եկած գնահատականները։ Ի դեպ, սրան զուգահեռ, մեր տեղեկություններով, ծրագրեր են քննարկվում հակառուսական նոր արշավներ կազմակերպելու համար: 

Իսկ ՀՀ-ում նման տրամադրությունների կնքահայրերը հենց արևմտյան ֆինանսավորում ունեցող մի քանի կառույցներն են, որոնք այս գործում էական ու գրեթե անկյունաքարային դերակատարություն ունեն, ավելին՝ հատուկ հանձնարարության համաձայն, այս կառույցներում ներառված և սատելիտ հանդիսացող ներկայացուցիչները պետք է ամեն ինչ անեն՝ ցանկացած հակառուսական ալիքի առաջացմանը զուգահեռ տեղեկատվական և հանրային դաշտում ողջ բողոքավոր հատվածում կազմակերպված կոնսոլիդացիան ապահովելու համար։

Թերթի տեղեկություններով` այս ֆոնին տեղի է ունենալու մի նոր նախաձեռնություն, որն, ըստ Արևմուտքի, ավելի է խարխլելու հայ-ռուսական հարաբերությունները։ Մասնավորաբար, մենք տեղեկություններ ունենք, որ առաջիկայում նախատեսվում է, որ ԵՄ-ն և արևմտյան հիմնադրամները կտրուկ կավելացնեն ՀՀ-ին տրվող դրամաշնորհները»,- գրում է թերթը։
Նյութն ամբողջությամբ կարդացեք թերթի այսօրվա համարում:

Այս թեմայով Ռուսական թատրոնի «Մարդիկ: Գազաններ։ Հանգամանքներ» ներկայացումը կմասնակցի «[email protected]» երիտասարդական միջազգային ֆորումին Ռուսական թատրոնում «Թագավորների խաղերը» ավարտվեց Happy birthday-ով Բալետի մայրաքաղաքին Հայաստանը ցնցել է երբեմնի բալետի պարուհու մասին ներկայացումով Սուրբ Գեւորգ Զորավարի եւ Սուրբ Նիկողայոս Հրաշագործի մասունքները տեղափոխվել են Երեւանի Սուրբ Աստվածածին ռուսական եկեղեցի Գլխավոր հերոսի մոնոլոգն իմ հոգու ճիչն էր. առաջնախաղ՝ ռուսական թատրոնի բեմում