ՀՈԳԵՎԱՐՔԻ ՄԵՋ ԳՏՆՎՈՂ ԼԱԿՈՏԱՊԵՏՈՒԹՅՈՒՆԸ ՀԱՐՁԱԿՎՈՒՄ Է ՄԱՄՈՒԼԻ ՎՐԱ
Արխիվ 16-20Այն, որ այսօրվա լակոտապետությունը հոգեվարքի մեջ է, հայտնի է արդեն բոլորին: Եվ հենց այդպիսի վիճակում է, որ սրանք վտանգավոր են եւ ընդունակ են ամեն ինչի: Իրենց աչքի առաջ քանդվում է իրենց իշխանությունը, եւ սրանք լավ գիտեն, որ իշխանությունից հեռացվելուց հետո սրանցից յուրաքանչյուրը պատասխան է տալու օրենքի եւ ժողովրդի առաջ, եւ հարձակումներն արդեն դարձել են իրենց բնազդի դրսեւորումը: Հարձակվում են նաեւ ԶԼՄ-ների վրա:
Հաջորդ պարբերությունը առաջարկում ենք ոստիկանությանը դիտել որպես հայտարարություն հանցագործության մասին: Մայիսի 8-ին, ոմն Սերգեյ Բարսեղյան (հեռ.` 077445599), զանգահարելով խմբագրություն, սկսել է սպառնալ լրագրողներին ֆիզիկական հաշվեհարդարով, այնուհետեւ սեռական բնույթի հայհոյանքներ տալ եւ այլն: Սույն քրեկան ենթամշակույթը կրողին դուր չէր եկել, որ օգնականին բնորոշել էինք որպես սորոսական: Մեր առաջարկին, որ պետք է վարվել օրենքով սահմանված կարգով, գրավոր հերքման նամակ գրել կամ դիմել դատարան, սույն քրեական տարրը պատասխանեց կրկին հայհոյանքներով եւ սպառնալիքներով: Այսպես կրկնվեց մի քանի զանգի դեպքում:
Առաջարկում ենք Նիկոլ Փաշինյանի աշխատակազմին պարզել, թե իր օգնականներից ով ունի առնչություն վերոհիշյալ անձնավորության հետ, տալ կատարվածին գնահատական, իսկ օգնականին` որպես քրեական ենթամշակույթ կրողի հարազատներ ունեցողի, ենթարկել համապատասխան պատասխանատվության` աշխատանքից հեռացումով:
Երկրորդ` ոստիկանությանը ընդունել սույն հաղորդագրությունը, որպես հայտարարություն հանցագործության մասին:
Երրորդ` «Իրավունքի» հետ շփվել բացառապես օրենքով սհամանված կարգով եւ հեռու մնալ: Սա էլ բարի խորհուրդի կարգով լակոտապետության բոլոր ներկայացուցիչներին:
«Իրավունքի» խմբագրություն
Հ.Գ. - Պարզվում է` «Իրավունքը» միակ խմբագրությունը չէ, ուր 077445599 հեռախոսահամարից զանգահարել է Սերոժ Սոսիկի Բարսեղյան անուն-ազգանունով մեկն իր հայհոյախառն սպառնալիքներով: Հերթով զանգահարում է: Analitik.am կայքը նույնիսկ ձայնագրել է այդպիսի զանգը: Օստապ Բենդերն իրավացի էր` զգուշացի՛ր կատաղած ոչխարից: Մանավանդ` Նիկոլի համերկրացի: Մանավանդ` եթե դրա քույրը նոր է տեղավորվել «թագավորական» պալատում: