ԱՊՐԻԼԻ ՄԵԿԻՑ ԿԹԱՆԿԱՆԱ՞ ԳԱԶԸ . «ԳԱԶՊՐՈՄ ԱՐՄԵՆԻԱՆ» Ո՛Չ ՀԱՍՏԱՏԵՑ, Ո՛Չ ԷԼ՝ ՀԵՐՔԵՑ

Տեւական ժամանակ է հանրության շրջանում տեղեկություններ են շրջանառվում, որ գազի սակագինը ապրիլի 1-ից թանկանալու է (այլ տարբերակով՝ թանկացման հայտ է ներկայացվելու) առնվազն 11 դրամով՝ դառնալով 150 դրամ մեկ խորանարդի համար: Ավելին, ըստ մեր որոշ աղբյուրների, որոնք միշտ էլ աչքի են ընկել քաջատեղյակությամբ, գազն այս պահին արդեն իսկ փաստացի թանկացել է: Պարզապես, ըստ այդ լուրերի, ավելորդ աղմուկից խուսափելու համար այդ ավելորդ մասը փոխհատուցվում է պետական բյուջեից: Որքանո՞վ են վերոնշյալ լուրերը համապատասխանում իրականությանը, փորձեցինք պարզել «Գազպրոմ Արմենիայի» լրատվական ծառայությունից: Այնտեղից սակայն, ինչպես ենթադրելի էր, հերքեցին տարածված լուրը առ այն, որ այս պահին թանկացել է, եւ որ բյուջեն է այն փոխհատուցում. «Պաշտոնապես հերքում ենք Ձեր կողմից մատնանշված լուրերը, դրանք չեն համապատասխանում իրականությանը»:

Հարցին, իսկ ապրիլի մեկից գազի թանկացման մասին լուրերը ե՞ւս հերքում են, մեզ պատասխանեցին. «Այս պահին որեւէ մեկնաբանություն չենք տալիս, մենք նախապես ասել էինք, որ, այո, ներկայումս ընկերությունում քննարկվում է սակագնի վերանայման հայտ: Մնացածը` ըստ սահմանված կարգի եւ սահմանված ժամկետներում կծանուցվի»:

ԻԼՈՆԱ ԱԶԱՐՅԱՆ

Այս թեմայով Մեկ գիշերում 5-10 անգամ թանկացնել է Հայփոստի առաքումը դեպի Արցախ եւ ՀՀ սահմանամերձ գյուղեր «Երեւանում երկրորդ ՋԵԿ-ի կառուցումը չի նպաստի էլեկտրաէներգիայի սակագնի նվազմանը». Մանվելյան (Տեսանյութ) «Հարգելի կառավարություն, վերջապես անկեղծ եղեք ձեր ժողովրդի հետ» «Կեցցե Նիկոլը, ով հանրային պահանջով կհեռանա» «Գազպրոմը» հայտ կներկայացնի, որպեսզի հունվարի 1-ից սահմանվի նոր սակագին