«Կեցցե Նիկոլը, ով հանրային պահանջով կհեռանա»
Արխիվ 16-20«Նոր իշխանությունները ցեխ շպրտելով նախկինների վրա՝ փորձում են ավելի լավը երեւալ, բայց ստացվում է այն, ինչ ստացվում է», - նշում է Գ. Սունդուկյանի անվան ազգային ակադեմիական թատրոնի դերասանուհի ԱՆԱՀԻՏ ՄՈՒԹԱՖՅԱՆԸ եւ մանրամասնում. «Մի քանի օր շարունակ էլեկտրոնային մամուլը ողողված է՝ գազի գնի սակագնի բարձացման մեղավորով։ Իբրեւ թե գազի սակագնի բարձացումը եղել է նախկին վարչապետ Կարեն Կարապետյանի ցանկությամբ, այս բամբասանքով, բամբասելով իշխանության եկածները՝ փորձում են իրենց վրայից մաքրել պատասխանատվությունը, քանզի մեկ ամիս անց կառավարությունը հայտարարելու է այն մասին, որ այլեւս ի վիճակի չէ իր վրա վերցնել գազի թանկացած մասնաբաժնի վճարումը եւ ստիպված այն պետք է բարձրանա նաեւ բաժանորդների համար։ Նիկոլը եւ իր կառավարությունը սրանով ոչ միայն խուսափում են պատասխանատվության իրենց բաժնից, այլեւ ողջ օրը ֆեյսբուքում անցկացնող կառավարությունը զգացել է, որ ժողովրդի հիպնոսն անցել է, եւ շատ շատերը արդեն կարոտում են Հայաստանը իսկապես տնտեսական զարգազման տանող վարչապետին»։
Ա. Մութաֆյանի կարծիքով, իհարկե, լրագրողի հոտառությունը չի կարող խաբել Փաշինյանին, եւ նա սկսել է հակափիառը. «Մինչ հունվար ամիսը ամեն ինչում մեղավոր էր Սերժն ու ՀՀԿ- ն, հիմա արդեն մեղավոր է Կարեն Կարապետյանը։ Հիշեք Կարեն Կարապետյանի ենթադրյալ վերադարձը քաղաքականություն կարող է դառնալ իրականություն, եւ դա կլինի միմիայն հանրային պահանջ։ Այս իննը ամիսների ընթացքում միակ լավ բանը, որ արել է Նիկոլ Փաշինյանը հայ ժողովրդի համար, դա հայ քաղաքացու մեջ պահանջատեր քաղաքացուն արթնացնելն է։ Կեցցե Նիկոլը, ով հանրային պահանջով կհեռանամ եւ կեցցե այն հանրությունը, ում պահանջով կգա Հայաստանի լուսավոր ժամանակը»։