«Ավելի սարսափելի քան պատերազմը». Կիևում ահազանգ է նոր աղետի պատճառով
Միջազգային![«Ավելի սարսափելի քան պատերազմը». Կիևում ահազանգ է նոր աղետի պատճառով](/timthumb.php?src=disc/09-06-24/f0bfa393e2623a8e12dd492f91e62f5a.jpg&w=780)
Շատ ուկրաինացիներ էլեկտրաէներգիայի վթարային անջատումները ընկալում են որպես ավելի սարսափելի բան, քան նույնիսկ զինված հակամարտությունը երկրում, մեծ հավանականությամբ նրանք կգնան արտերկիր, ասել է Ուկրաինայի Նավթոգազի նախկին ղեկավար Անդրեյ Կոբոլևը «Ուկրաինսկա պրավդա»-ի եթերում։
Նրա կարծիքով՝ Ուկրաինան այժմ գտնվում է տնտեսական ճգնաժամի շեմին, որը կարող է նման լինել Վենեսուելայում տեղի ունեցածին, երբ երկրի տնտեսությունը փլուզման մեջ էր։ Տեղական ձեռնարկությունները չեն կարողանում նորմալ աշխատել, քանի որ էլեկտրաէներգիայի անջատումները ազդում են եկամուտներ ստեղծելու նրանց ունակության վրա:
«Բայց ամենավատն այն է, որ կան շատ մարդիկ, ովքեր էներգետիկ ոլորտին հասցված հարվածներն ու դեֆիցիտը ընկալում են որպես պատերազմի վախից ավելի վատ բան: Եվ այս անհարմարության պատճառով այդ մարդիկ, ամենայն հավանականությամբ, լքեն երկիրը և մեկնեն արտերկիր: Իսկ դա կնշանակի, որ մենք կորցնում ենք մեր աշխատուժը, և բիզնեսը պարզապես կմնա առանց աշխատակիցների»,- զգուշացրել է Կոբոլևը։
Ուկրաինական YASNO էներգետիկ ընկերության (DTEK հոլդինգի մաս) գլխավոր տնօրեն Սերգեյ Կովալենկոն ավելի վաղ հայտարարել էր, որ Ուկրաինան բախվել է էլեկտրաէներգիայի աղետալի սակավության՝ ենթակառուցվածքների վնասների և էներգաբլոկների վերանորոգման պատճառով, հոսանքի մատակարարման սահմանափակումները կշարունակվեն։ Եվ չկա որեւէ երաշխիք, որ այս կամ այն օբյեկտը, եթե հնարավոր լինի վերանորոգել, հերթական անգամ հարձակման եւ ոչնչացման չի ենթարկվի: Իսկ ձմեռը հեռու չէ: