Չինական բանակը պատրաստ է ռուսական բանակի հետ միասին պաշտպանել արդարությունը աշխարհում. ՉԺՀ ՊՆ ներկայացուցիչ

Չինական բանակը պատրաստ է ռուսական բանակի հետ միասին պաշտպանել արդարությունը աշխարհում: Այս մասին հայտարարել է Չինաստանի Ժողովրդական Հանրապետության պաշտպանության նախարարության պաշտոնական ներկայացուցիչ Ու Ցյանը։

«Չինաստանի զինված ուժերը պատրաստ են աշխատել ռուսական բանակի հետ միասին՝ երկու պետությունների ղեկավարների ձեռք բերած կարևոր կոնսենսուսն ամբողջությամբ իրականացնելու համար»,- ասել է ՊՆ ներկայացուցիչը:

Ըստ նրա, չինացի զինվորականները պատրաստ են իրենց ռուս գործընկերների հետ միասին «պաշտպանել միջազգային արդարությունն ու անաչառությունը» և գործադրել բոլոր ջանքերը միջազգային և տարածաշրջանային անվտանգությունն ապահովելու համար։

Այս հայտարարությունը, որը, իհարկե, առանց չինական ամենաբարձր ղեկավարության հանձնարարության չէր կորղ արվել, առանց չափազանցության աշխարհը տեղափոխում է միանգամայն նոր հարթություն: Ամեն դեպքում, կարծես թե վաշինգտոնյան եւ ՆԱՏՕ-ական գեներալների վատթարագույն մղձավանջներն աչքի առաջ իրականանում են: