Սա ամենավտանգավոր փուլն է, որից հետընթաց ուղղակի չի լինում. Նարեկ Մալյան (Տեսանյութ)

Եվրոպայի խորհրդի գրասենյակի դիմաց, ընդդեմ Ստամբուլյան կոնվենցիայի վավերացման վերաբերյալ քննարկմանն անցկացվող բողոքի ակցիայի ժամանակ «ՎԵՏՕ» հասարակական-քաղաքական շարժման ղեկավար ՆԱՐԵԿ ՄԱԼՅԱՆԸ հիշեցրեց, որ ընդամենն ամիսներ առաջ, իբր լրիվ պատահաբար, «անաչառ ու անմեղ» մի լրագրող հանկարծ սկսեց ստանալ բռնության մասին պատմող հարյուրավոր նամակներ. «Այդ ժամանակ «ՎԵՏՕ»-ն հայտարարեց, որ այս գործընթացը կեղծ է եւ նպատակ ունի Ստամբուլյան կոնվենցիայի վավերացմանն ընդառաջ հույզերով ապուշացնել հանրությանը եւ հաջորդ փուլում որպես բռնության դեմ համադարման ներկայացնել Ստամբուլյան կոնվենցիան ու համընդհանուր հիացմունքի ներքո վավերացնել այդ վտանգավոր փաստաթուղթը: Իհարկե, հետագայում հաստատվեց, որ այդ նամակները կեղծ էին: Այս կոնտեքստում բռնության մասին նամակների կեղծ եւ անիրական լինելը փաստեց անգամ ՀՀ ոստիկանությունն՝ իր պաշտոնական հաղորդագրությամբ տեղեկացնելով, որ լրագրող ներկայացած անձի կողմից հրապարակված նամակներից ոչ մեկում չկա որեւէ փաստական հանգամանք: Բռնության կեղծ նամակների տիրուհին հանրային հեռուստատեսությամբ հայտարարեց, որ ընդհանրապես տեղյակ չէ Ստամբուլյան կոնվենցիայից եւ առհասարակ չգիտի՝ ինչ է նշանակում «կոնվենցիա»: Իր այս հայտարարությունից մեկ ամիս անց կոնվենցիայից բոլորովին «անտեղյակ» նույն մարդը քննարկումներ է իրականացնում Ստամբուլյան կոնվենցիայի վավերացման մասին եւ ակտիվորեն պաշտպանում այն»:

Ն. Մալյանի գնահատմամբ՝ կոնվենցիայի քարոզով հիմնականում զբաղվում են տխրահռչակ Սորոսի գրասենյակի շահառուները. «Այսպես ասած՝ «Սորոսի վաստակները»: Իրականում ստամբուլյան կոնվենցիայի նախնական քարոզչական փուլը ոչ միայն սուտ եւ կեղծիք էր, այլ նաեւ լկտի ծաղր բռնության իրական զոհերի նկատմամբ: Հաջորդ հարցը՝ նշվում է, որ բռնության դեպքերի քանակով կա դրական փոփոխության դինամիկա այն երկրներում, որտեղ արդեն վավերացվել է այս տխրահռչակ կոնվենցիան: Ո՛չ, հայտարարում եմ, որ չկա: Ասեմ ավելին՝ ՀՀ-ն այս ցուցանիշով այս պահին շատ ավելի լավ դիրքերում է գտնվում, քան շատ երկրներ, որտեղ վավերացրել են Ստամբուլյանը: Այսինքն՝ այս կոնվենցիան զուրկ է իր դեկլարատիվ նպատակների կիրառական նշանակությունից: Այդ դեպքում, որո՞նք են այս կոնվենցիայի թաքնված եւ իրական նպատակները: Որպես օրինակ բերեմ մի քանիսը: Կոնվենցիայի վավերացմամբ ՀՀ օրենսդրության մեջ առաջին անգամ ամրագրվում է «զուգընկերներ» եզրույթը՝ փոխարինելով «ամուսիններ» եզրույթին: Այսինքն՝ տրանսվեստիտներն ընկնում են այս կոնվենցիայի պաշտպանության տակ՝ որպես զուգընկերներ: Հաջորդը՝ «կենսաբանական սեռ» հասկացությունը կոնվենցիայում փոխարինվում է «սոցիալական սեռ» հասկացությամբ: Ինչպես արդեն տեղյակ եք՝ Կուբայից ժամանած 16 սոցիալական սեռի ներկայացուցիչներ, որոնցից 14-ը ՄԻԱՎ վարակակիր են, ակտիվ գործունեություն են ծավալում ՀՀ-ում, իսկ նրանց իրավունքների պաշտպանությանը լծվել է Սորոսի գրասենյակի կողմից հիմնադրված «Իրավունքի կողմ» ՀԿ-ն և նրա տրանսվեստիտ ղեկավարը՝ հայտնի Լիլիթը, որին փառք ու պատվով հրավիրել էին Ազգային ժողով՝ ելույթ ունենալու»:

«ՎԵՏՕ» շարժման ղեկավարն ընդգծում է, որ կոնվենցիայի պաշտպաններն այսպիսի կեղծ թեզ են շրջանառում՝ իբր եկեք վավերացնենք, եթե դուրներս չգա՝ ստորագրությունը հետ կվերցնենք ու կապավավերացնենք. «Այս թեզը կեղծիք է եւ սուտ: Ֆորմալ առումով ցանկացած պետություն կարող է հետ վերցնել կոնվենցիայի տակ իր ստորագրությունն՝ ընդամենը նախապես 2 ամիս առաջ տեղյակ պահելով այդ մասին: Իսկ իրականում այս տխրահռչակ կոնվենցիայի ապավավերացնելը բավական բարդ, իսկ որոշ դեպքերում՝ անհնար խնդիր է, քանի որ հենց Հայաստանի Հանրապետությունը վավերացնի Ստամբուլյանը, հաջորդ պահից փոփոխվելու է ՀՀ օրենսդրությունը, ձեւավորվելու են պետական նոր մարմիններ, որոնք իրականացնելու են Ստամբուլյան կոնվենցիայի կատարողականը: Սա ամենավտանգավոր փուլն է, որից հետընթաց ուղղակի չի լինում: Հիմա հարցերի հարցը... Կա՞ արդյոք անհրաժեշտություն վավերացնելու Ստամբուլյան կոնվենցիան: Արդյո՞ք մեր երկրում այս պահին գործող օրենսդրությունն այս առումով թերի է կամ հին: Պարզվում է, որ՝ ոչ: Պարզվում է, որ այստեղ էլ գործ ունենք սուտ եւ կեղծ տեղեկությունների հետ: Իրավական առումով մեր երկրի օրենսդրությունը չունի այնպիսի թերություն բռնության դեմ պայքարի շրջանակներում, որը հնարավոր է վերացնել Ստամբուլյան կոնվենցիայի վավերացմամբ: Այսինքն՝ եթե կոնվենցիայի վավերացումը դիտարկենք դրանում հռչակված նպատակների տիրույթում, ՕԳԳ-ն զրո է, եւ Ստամբուլյան կոնվենցիան որեւէ կիրառական նպատակ չունի: Ստամբուլյան կոնվենցիային` վետո, պետություն զավթողներին` վետո, տրանսգենդեր մարմնավաճառներին` վետո»։

ՀՐԱՆՏ ՍԱՐԱՖՅԱՆ

Հ.Գ.- Մանրամասները դիտե՛ք տեսանյութում.

Այս թեմայով ՀՀԿ ԵԿ անդամ Միքայել Ղազարյանը պարգևատրվել է Առաջինը ես չէի հարգի Նարեկին, եթե վախենար Ալենից ու Նիկոլից. քաղբանտարկյալ Սամսոնյանի կնոջ խոսքը Սամսոնյանի եւ Սաղաթելյանի հարցով արձագանքելը ՄԻՊ-ի պատվի հարցն է «Սարխանի» լրտեսության գործի մանրամասները. «Սալամ, Թուրալ» Նարեկ Զեյնալյանը կրկին անդրադարձել է թուրքական Շտապօգնության մեքենայով Երեւան տեղափոխված պացիենտի դեպքին