«Հետքայլ չեն անելու եւ փորձելու են վավերացնել Ստամբուլյան կոնվենցիան». Վահան Բաբայան (Տեսանյութ)

Եվրոպայի խորհրդի գրասենյակի դիմաց «Ո՛չ Ստամբուլին, ո՛չ այլասերմանը» նախաձեռնության ակցիային ի թիվս բազմաթիվ հասարակական կազմակերպությունների, քաղաքական ուժերի՝ մասնակցում էին նաեւ ռեֆորմիստները: Ստամբուլյան կոնվենցիայի վավերացման շուրջ վերջին զարգացումների մասին էլ «Իրավունքը» զրուցեց Ռեֆորմիստների կուսակցության նախագահ ՎԱՀԱՆ ԲԱԲԱՅԱՆԻ հետ:

- Պարոն Բաբայան, Ազգային ժողովում Ստամբուլյան կոնվենցիայի թեմայի շուրջ հանդիպում տեղի ունեցավ պատգամավորների եւ Եվրոպայի խորհրդի պատվիրակության ներկայացուցիչների միջեւ: Կարելի՞ է ասել, որ կոնվենցիան վավերացնելու գործընթացից ոչ մի կերպ իշխանությունը հետ չի կանգնում:

- Բնական է, որ այդպես էլ պետք է լիներ եւ որեւէ  մեկն այլ բան չէր սպասում: Հանձնաժողով ստեղծեց, ինչ-որ հրամանագրեր ստորագրեց Փաշինյանն այդ հարցը քննարկելու համար: Այդքանից հետո՝ արդեն պարզ է, որ իրենք հետքայլ չեն անելու եւ փորձելու են վավերացնել կոնվենցիան: Բայց հասարակության մեծ մասը, ինչպես տեսնում ենք,  դեմ է: Իրականում մտահոգիչ են այն կետերը, որոնք կան այդ կոնվենցիայում: Դրանք ընդհանրապես չեն բխում մեր ազգային պահպանողական շահերից: Սա արհեստական օրակարգ է, որ ներմուծվում է Հայաստան՝ քայքայելու մեր ավանդական արժեքները: Կոնվենցիայի փաստաթղթում բացահայտ գրված է, որ մենք պետք է ամեն ինչ անենք, որպեսզի ջաջախենք ավանդույթները, միայն այդ բառից արդեն հասկանալի է, որ այդ կոնվենցիան չի կարող ապագա ունենալ  Հայաստանի հասարակության համար:

- Այսպիսի մոտեցումը, ըստ Նիկոլ Փաշինյանի, հետադիմական է, ավելին՝ նա կառավարության վերջին նիստի ժամանակ հայտարարեց. «Մենք հատ-հատ պետք է պետական համարգից արմատախիլ անենք տգիտության քարոզով զբաղվող բոլոր մարդկանց՝ մինչեւ վերջին մանրուքը, ընդհուպ մինչեւ պինցետով, որ ոչ մի մոլեկուլ չմնա»: Ի՞նչ կասեք այս մասին:

- Պինցետի փոխարեն՝ առաջարկում եմ «գազոնակասիլկա» օգտագործել: Նկատի ունեմ՝ փոխաբերական իմաստով: Բավական շատ են օրինակները, երբ իշխանությունն ինքն իր մեջ պետք է սկսի այդ արմատախիլ անելու գործընթացները: Կարծում եմ՝ պետական ապարատն այսօր այնքան է լցվել տգիտությամբ, միջակությամբ եւ դիլետանտիզմով, որ գոնե ինքը դրա մասին չպետք է խոսի: Ժամանակը ցույց տվեց, որ իրական տգիտությունը ոչ թե պետական ապարատում է, այլ իրենց քաղաքական թիմում: Սա է, որ մեր հասարակությանը, քաղաքական ուժերին, ակտիվ մարդկանց ոտքի պետք է հանի: Մարդիկ պետք է չլռեն, պետք է խոսեն, կարծիք հայտնեն, եւ այս ամենը կանխեն:

ՀՐԱՆՏ ՍԱՐԱՖՅԱՆ

Հ.Գ.- Առավել մանրամասն դիտե՛ք տեսանյութում.

Այս թեմայով Սամ ռուսկիյ, սամ ֆաշիստ «Ես չեմ վիրավորվում, երբ ինձ ասում են թուրք»․ համացանցում հիշել են Փաշինյանի խոսքերը «Հրապարակ». Նիկոլ Փաշինյանի սրացումներն անգամ ՔՊ–ում չեն մարսում Գյումրիի սխալը չպետք է կրկնել. Հրանտ Բագրատյան Կրեմլը կհայտարարի՝ ով է ներկայացնելու ՌԴ-ն ստամբուլյան բանակցություններում, երբ որ Պուտինն անհրաժեշտ համարի. Պեսկով