Երեւանի քաղաքապետարանի շենքից այսօր ծուխ է բարձրացել

Այսօր ժամը՝ 14:00-ի սահմաններում, Երեւանի քաղաքապետարանի հարակից տարածքների բնակիչները նկատել են, որ քաղաքապետարանի շենքից ծուխ է բարձրանում:

Ահազանգով դեպքի վայր են մեկնել հրշեջները: Ինչպես մեզ հետ զրույցում նշեց Արտակարգ իրավիճակների նախարարի մամուլի քարտուղար Էդմոն Զարգարյանը, ԱԻՆ խումբը մեկնել է, սակայն տեղում ոչ մի հրդեհ չի եղել, Քաղաքապետարանի ճաշարանում ծուխ է տարածված եղել, որի պատճառը, ամենայն հավանականությամբ, անփութությունն է եղել: Նախնական տեղեկություններով, ըստ նրա, ճաշարանի աշխատակիցները ջեռոցի վրա յուղ են այրել։

Երեւանի քաղաքապետի մամուլի քարտուղար Հակոբ Կարապետյանը մեզ հետ զրույցում տեղեկացրեց, որ քաղաքապետարանը շարունակում է աշխատել բնականոն ռեժիմով, եւ ծուխը չի խաթարել աշխատանքները:

Ավելի ուշ Հակոբ Կարապետյանը խնդրին անդրադարձավ նաեւ ֆեյսբուքյան իր էջում՝ նշելով. «Քաղաքապետարանի գլխավոր մասնաշենքի տարածքում, մոտավորապես ճաշարանի հատվածում մոտ մեկ ժամ առաջ ծուխ է նկատվել։ Ժամանել է ԱԻՆ համապատասխան ծառայությունը, խնդիրը վերացված է։ Միջադեպը չի ազդել քաղաքապետարանի բնականոն աշխատանքի վրա, ընդհատումներ կամ առավել եւս տարհանում չի եղել, ներկայումս էլ քաղաքապետարանն աշխատում է սովորական ռեժիմով»։

Այս թեմայով ՇՏԱՊ. ՀՀ նախագահ անճանաչելիորեն փոխվել է. ՖՈՏՈ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Շնորհիվ բկ-ի սրտացավ տնօրենի՝ այստեղ առաջին բուժօգնությունը իրականացվում է վարկյանների ընթացքում՝ անկախ սոցիալական կարգավիճակից Բաղդասարյանների գերդաստանը Խաչվերածը նշեց հավերժի ճամփան բռնած ՆԻՆԱ ՄԱՅՐԻԿԻ հիշատակի առաջ խոնհարմամբ Չշփոթել իշխանությունը իրավունքի հետ, օրենքը՝ կամայականության հետ, իսկ լռությունը՝ խաղաղության հետ