«Տաղանդ, ում մասին դեռ կլսի աշխարհը». կայացավ Ալեքսանդր Խաչատրյանի ջութակի երեկոն (Տեսանյութ)

Կոմիտասի անվան կամերային երաժշտության տանը կայացավ Երեւանի Չայկովսկու անվան երաժշտական միջնակարգ մասնագիտական դպրոցի պրոֆեսոր Արտաշես Մկրտչյանի 6-րդ դասարանի աշակերտ ԱԼԵՔՍԱՆԴՐ ԽԱՉԱՏՐՅԱՆԻ  ջութակի երաժշտության երեկոն:

Ներկա էին հասարակական, քաղաքական, մշակութային գործիչներ եւ, պարզապես, դասական արվեստը գնահատող հանդիսատես: Ալ. Խաչատրյանը համերգային ծրագրի առաջին բաժնում կատարեց Տարտինիի՝ «Սոնատ սոլ մինոր», «Սատանեական դայլայլներ», Բրամսի «Սոնատ N 2»` ջութակի եւ դաշնամուրի համար, Իզաիի «Սոնատ N 3», «Բալլադ»` սոլո ջութակի համար: Իսկ երկրորդ բաժնում հնչեցին Պրոկոֆեւ Վենյավսկու «Վարիացիների օրիգինալ թեման», ապա նաեւ նույն հեղինակի «Ֆանտազիա «Ֆաուստը»՝ Գունոյի «Ֆաուստ» օպերայի մոտիվներով: Երիտասարդ ջութակահարի կատարումներն ուղեկցվում էին ԼԻԼԻԹ ՄԿՐՏՉՅԱՆԻ դաշնամուրային նվագակցությամբ (ասիսիտենտ՝ ԱՆԱՀԻՏ ՊԵՏՐՈՍՅԱՆ):

Երիտասարդ երաժշտի կատարումներն արժանացան հանդիսատեսի ջերմ ծափողջույններին: Երաժշտական երեկոյին ներկա Ռեֆորմիստների կուսակցության նախագահ ՎԱՀԱՆ ԲԱԲԱՅԱՆԸ վստահությամբ նշեց, որ նման երեխաները մեր ազգի փառքն ու պատիվն են. «Ալեքսանդր Խաչատրյանը տաղանդ է, ում մասին դեռ կլսի աշխարհը»:

Հիշեցնենք, որ Ալեքսանդր Խաչատրյանը ջութակ է նվագում 5 տարեկանից: Բացի այս երաժշտական երեկոն, արդեն հասցրել է ունենալ եւս երկու մենահամերգ՝ Արամ Խաչատրյանի թանգարանում եւ Կոմիտասի անվան Կամերային երաժշտության տանը: Հավելենք նաեւ, որ տաղանդաշատ ջութակահարը 2015թ. իտալական Ռիմինի քաղաքում փոքրիկ ջութակահարների մրցույթում առաջին մրցանակին է արժանացել: Իսկ ընդամենն ամիսներ առաջ Մոսկվայի ֆիլհարմոնիայի բեմում «Նոր Ռուսաստան» պետական սիմֆոնիկ նվագախմբի (գեղարվեստական ղեկավար եւ գլխավոր դիրիժոր Յուրի Բաշմետ) հետ հանդես է եկել Չայկովսկու Ջութակի կոնցերտով ու հիացրել ռուս հանդիսականին:

ՀՐԱՆՏ ՍԱՐԱՖՅԱՆ

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն Նախկին վարչապետի ընտանիքը սգում է ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով