ԳՅՈՒՂԱՊԵՏԻ ՏԱՐՕՐԻՆԱԿ ԽԱՂԵՐԸ

Արարատի մարզի Ազատավան համայնքի բնակիչները ահազանգում են խմբագրություն, որ համայնքապետ Պետո Ղազարյանը շարունակում է «Նոր Հայաստանում ինքնագործունեությամբ զբաղվել»: Գյուղացիների խոսքերով՝ համայնքապետը գյուղապետարանի տարածքը դարձրել է «իր սեփական բիզնեսի (մեքենաների առք ու վաճառքի) կայանատեղի, մանկապարտեզի տարածքում շենքը շատ կասկածելի վիճակով է ձեռք բերել՝ իր տեղակալի հետ գործարկելով առք ու վաճառք, բացի այդ դեռեւս չգործող մանկապարտեզի համար, որպես պոտենցիալ աշխատողներ, նախապես ընտրել է իր մերձավոր եւ հարազատ շրջապատից»:

Մեզ դիմած անձինք պնդում են նաեւ, որ համայնքապետ Ղազարյանը իր խնամուն ինչ-ինչ ճանապարհով բաժին է հասցրել գյուղի գերեզմանոցին հարող հողատարածքը: Գյուղացիները շարունակեցին այն միտքը, որ Ղազարյանի համայնքային նշանակության խնդիրներն իրականացնում է անպատշաճ եւ ոչ արդյունավետ ճանապարհով` օրինակ բերելով դրանցից ծառատունկը, որը վերջերս է իրականացվել:  «Նախկին խոշոր եւ փարթամ ծառերը կտրվեցին եւ նրանց տեղը` կենտրոնական փողոցի մայթեզրերին տնկվեցին նոր ծառ ու թուփ, որոնց հիմնական մասը չորացել է, քանի, որ այն չի ոռոգվում, ոչ էլ դրա կարիքը կար: Բայց դա չի խանգարում գյուղապետին՝ փարթամ ծառերի սպանդը շարունակել»:

Մենք փորձեցինք կապվել նաեւ գյուղապետ Պետո Ղազարյանի հետ, սակայն վերջինիս հեռախոսահամարը անհասանելի էր:

ԻԼՈՆԱ ԱԶԱՐՅԱՆ

Այս թեմայով Գույքի բռնագանձման հայց՝ Ապարան համայնքի ղեկավարի թեկնածուի դեմ․ «Հետք» Ախր Նիկոլ Փաշինյանը սկի տուն էլ չունի, որ գնան, խուզարկեն, զոքանչի տան վրա ա գրանցված. Է․ Ղազարյան Փաշինյանը կարող ա մի օր էլ շարական երգի, մենք իրան հարց չունենք, ինքը պիտի հեռանա. Ղազարյան Վարչաբենդի պարային խմբում եք հանդես եկել, առաջիկայում համերգներ նախատեսվա՞ծ են. Ղազարյան Էդգար Ղազարյանը՝ ԱԺ աշխատակազմի ղեկավարին․ Ընչի՞ եք ինձ էդքան փող տալիս.