«Սպասենք Թրամփ-Փաշինյան հանդիպմանն, ինչը շատ բան կարող է պարզել». քաղաքագետ

«Հակառակ ՀՀ վարչապետի կողմից կատարված բազմաթիվ ընդգծումներին՝ Իրանի հետ հարաբերությունների եւ Իրանի դեմ պատժամիջոցների հարցի հետ կապված, Հայաստանի իշխանությունների վերաբերմունքը մնում է անորոշ: Այդ մասին են վկայում Հայաստանի բարձրաստիճան պաշտոնատարների հակասական հայտարարությունները», - այս մասին նշում է ամերիկաբնակ քաղաքագետ ՌՈԲԵՐՏ ՄԱՐԳԱՐՅԱՆԸ եւ մանրամասնում. «ՀՀ վարչապետը նախօրեին Nouvelle d'Arménie պարբերականի հետ զրույցում պատասխանելով ԱՄՆ-ի կողմից Հայաստանի վրա ճնշում գործադրվելու հարցին նշեց. «Այս պահին նմանատիպ որեւէ ճնշման մենք ենթակա չենք»։ Իհարկե, Նիկոլ Փաշինյանը հավելել է, որ «Հայաստանը ճնշման ենթակա չէ՝ որպես Հայաստան, բայց մաս է կազմում միջազգային հանրության՝ լինելով Իրանին հարեւան երկիր», ինչը ենթադրել է տալիս, որ «որպես միջազգային հանրության անդամ», Հայաստանն ամեն դեպքում ենթակա է նույն ճնշումներին, ինչը գործադրվում է աշխարհի մյուս երկրների պարագային: Նիկոլ Փաշինյանը նաեւ հայտարարել է, որ «մեր դիվանագետներին հաջողվել է շատ կարեւոր հաղթանակ տանել այդ առնչությամբ»: Դա ի տես այն բանի, որ անցած հուլիսին ՀՀ ԱԺ խոսնակ Արարատ Միրզոյանն ԱՄՆ այցի ժամանակ Ատլանտյան խորհրդում հայտարարելով այն մասին, որ «Հայաստանի տնտեսությունը վնասներ է կրում Իրանի դեմ պատժամիջոցներից», ցանկություն էր հայտնել, որ «ԱՄՆ-ն ճնշում չգործադրի Հայաստանի վրա՝ իրանական պատժամիջոցների օրակարգում ներգրավելու համար»: ՀՀ վարչապետ Նիկոլ Փաշինյանն օրերս իրանական մամուլի ներկայացուցիչների հետ հանդիպմանը նույնպես անդրադառնալով հիշյալ թեմային՝ հաստատել է, որ պատժամիջոցները բացասաբար են ազդել իրանական որոշ ընկերությունների աշխատանքի վրա եւ հայտարարել է. «Հայաստանը չի ներքաշվելու այնպիսի գործընթացներում որոնք ուղղված կլինեն Իրանի դեմ»: ՀՀ վարչապետն այն պայմաններում է նման հայտարարություն կատարել, երբ ԱՄՆ ազգային անվտանգության խորհրդական Ջոն Բոլթոնն անցած հոկտեմբերի վերջերին Երեւան կատարած այցի ժամանակ «Ազատության ձայն»-ին տված հարցազրույցում նշել էր. «Իրանի հետ սահմանը լուրջ խնդիր կլինի, որովհետեւ, ինչպես ես բացատրեցի վարչապետին, մենք ցանկանում ենք առավելագույն ճնշում գործադրել Իրանի նկատմամբ... Մենք մտադիր ենք սեղմել Իրանի շուրջ օղակը»:
Ընդամենն օրեր անց՝ նոյեմբերի 1-ին, ՀՀ ԱԺ ժողովում Նիկոլ Փաշինյանի հայտարարեց Իրան-Հայաստան սահմանը դեֆակտո փակվելու հնարավորության մասին»:

Քաղաքագետը նշում է, որ իրանական մամուլը հղում կատարելով Հայաստանում իր առաքելությունն ավարտող Իրանի դեսպան Սաջադիին՝ հաղորդել է առաջիկա հոկտեմբերին ԵՏՄ Վեհաժողովին մասնակցելու նպատակով ԻԻՀ նախագահ Հասան Ռոհանիի Երեւան կատարելիք այցի մասին: Իսկ մինչ այդ Նիկոլ Փաշինյանը մեկնելու է ԱՄՆ. «Անկախ Նիկոլ Փաշինյանի մասին ունեցած կարծիքից, ցանկալի կլինի, որպեսզի ՀՀ վարչապետի ԱՄՆ այցի շրջանակներում ի վերջո հաջողվի կազմակերպել Թրամփ-Փաշինյան հանդիպումը: Ինձ ավելի շատ հետաքրքրում է հանդիպմանը հաջորդելիք մամուլի ասուլիսի ժամանակ՝ Թրամփի ներկայությամբ, անխուսափելիորեն Իրանի հետ հարաբերությունների կապակցությամբ հնչեցվելիք հարցումին Նիկոլ Փաշինյանի պատասխանը, ինչը կարող է շատ բան պարզել ոչ միայն Իրան-Հայաստան եւ ԱՄՆ-Հայաստան հարաբերությունների, այլեւ այն «դիվանագիտական հաղթանակի» մասին, որին ՀՀ վարչապետն ակնարկել է Nouvelle d'Arménie պարբերականի հետ հարցազրույցում»:

Այս թեմայով Իրանի գլխավոր օդանավակայանը շարունակում է լիարժեք գործել՝ չնայած ԱՄՆ պատժամիջոցներին Մի քեֆ, մի ուրախություն․ ԸՆԿԵՐ ՓԱՆՋՈՒՆԻ  Բրիտանիան կարող է աղետի ենթարկվել, եթե ԱՄՆ-ն արգելի դիզելային վառելիքի արտահանումը. Telegraph ԻՊՀԿ-ն հայտարարեց ԱՄՆ-ի REMUS 600 ստորջրյա անօդաչուի գրավման մասին (Տեսանյութ) Թրամփն ընդունեց պանթյուրքիզմի գաղափարը. Նադեին-Ռաեւսկի