Անգլիայում 2020-ի ապրիլից կարգելեն պլաստիկե ձողիկները

2020 թվականի ապրիլից Անգլիայում պլաստիկե ձողիկները, հարիչներն ու բամբակաձողերը կարգելվեն պլաստմասի թափոնների կրճատման ծրագրերի շրջանակում, տեղեկացնում է CNN-ը։

Մեծ Բրիտանիայի կառավարությունը հաստատել է արգելքը հասարակության հետ բաց խորհրդակցություններից հետո։

Պաշտոնական անձանց տվյալներով՝ ամեն տարի Անգլիայում օգտագործվում է 4,7 մլրդ պլաստիկե ձողիկ, 316 մլն պլաստիկե հարիչ եւ 1,8 մլրդ բամբակե ձողիկ, ընդ որում՝ բամբակե ձողիկների 10 տոկոսը նետվում է զուգարանակոնքեր։

«Շտապ միջոցներն անհրաժեշտ են շրջակա միջավայրի աղտոտվածության դեմ պայքարի եւ պաշտպանության համար»,- ասել է շրջակա միջավայրի նախարար Մայքլ Գովը։

Պետք է հուսալ, որ այդ միջոցները թույլ կտան նվազեցնել օվկիանոսների աղտոտվածությունը, որն ամեն տարի սպանում է ավելի քան 100 հազար ծովային կաթնասուն եւ 1 միլիոն թռչուն։

Օվկիանոսներում 150 միլիոն տոննա պլաստիկ կա, եւ մինչեւ 2025 թվականը այդ թիվը կեռապատկվի։

Այս թեմայով «Սարխանի» լրտեսության գործի մանրամասները. «Սալամ, Թուրալ» 2020-ի հոկտեմբերի 19-ին եղել է առաջարկ 5 շրջանը տեղում հանձնելու մասին, որին համաձայնել ենք, դրանից հետո առաջարկի մեջ ավելացրել են Շուշին․ Ալեն Սիմոնյան Էքստրասենսները նույն կանխատեսումն են արել 2025 թվականի ավարտի համար․ ի՞նչ են նրանք տեսել Ռուսական ԶԼՄ-ները նոր մանրամասներ են հայտնում 2020-ին վարչապետ հանդիսացող սուտասանը առաջարկում էր դեսպան լինել, Արցախը հանձնողի հետ գործ չունեմ