ԱՆՀԱՏՈՒՅՑ ԲՆԱԿԱՐԱՆ Է ՀԱՏԿԱՑՎԵԼ ԱՐՏԱՎԱԶԴ ՓԵԼԵՇՅԱՆԻՆ

Այսօր Երևանի ավագանու գումարած հերթական նիստում, որը վարել է Երևանի քաղաքապետ Տարոն Մարգարյանը, քվեարկությամբ հավանություն է տվել ՀՀ ժողովրդական արտիստ, ՀՀ արվեստի վաստակավոր գործիչ, ռեժիսոր-վավերագրող, սցենարիստ, դերասան, ՀԽՍՀ և ՌԴ արվեստի վաստակավոր գործիչ ԱՐՏԱՎԱԶԴ ՓԵԼԵՇՅԱՆԻՆ անհատույց սեփականության իրավունքով բնակարան օտարելու մասին որոշմանը:

Արտավազդ Փելեշյանի անունը բոլոր ժամանակների աշխարհի լավագույն 100 ռեժիսորների և 10 վավերագրողների ցանկում է:  Սակայն, ցավալի է որ Փելեշյանը գրեթե 20 տարի է չի ստեղծագործում: Տարիներ առաջ, երբ «Ոսկե Ծիրան» կինոփառատոնի շրջանակներում Հայաստան եկած ռուս հանրահայտ կինոռեժիսոր Ալեքսանդր Սոկուրովը նույնպես այդ ափսոսանքն էր հայնում իր հայ գործընկերոջ «անգործության» մասին. «Փելեշյանը հանճար է. յուրաքանչյուր հայ պետք է հպարտ լինի, որ այդպիսի հանճարի հայրենակիցն ու ժամանակակիցն է: Մեր բոլորի ցավն է, որ Փելեշյանը ֆիլմ չի նկարում արդեն մոտ 20 տարի: Կասկածից վեր է` եթե նկարեր, հերթական գլուխգործոցը կլիներ ու մեծ պարգև՝ համաշխարհային կինոյին»:

Ինչեւէ, ուրախալի է, որ այսուհետ Կենտրոն վարչական շրջանի Լեոյի փողոցի թիվ 1 հասցեում գտնվող բազմաբնակարան շենքի 5-րդ հարկի 127 քմ մակերեսով բնակարանը պատկանում է անվանի կինոռեժիսորին, որտեղ, ի դեպ, վերջինս կանցկացնի վարպետության դասեր: 

ԼԻԼԻԹ ԵՂԻԱԶԱՐՅԱՆ

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան «Ժողովուրդ». Հովիկ Աբրահամյանի եղբայրը Հակակոռուպցիոն կոմիտեում ինքնախոստովանական ցուցմունք է տվել «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով