Ինչու° չեք հանձն առնում լուծելու այդ խնդիրը, վերացնելու թույլ տրված ապօրինությունը.ցմահ դատապարտյալ

Բաց նամակ ՀՀ վարչապետ Նիկոլ Փաշինյանին.

Մեծարգո պարոն վարչապետ, արդեն չգիտեմ թե քանի բաց նամակ եմ հղել Ձեզ, նաև չգիտեմ, Դուք կարդու°մ եք դրանք, թե " ձայն բարբառո անապատի" են մնում: Ամեն դեպքում Ձեր մամուլի ասուլիսի ընթացքում ասացիք, որ կարդում եք այն ամենը, ինչ Ձեզ է ուղղվում: Արդեն մեկ տարի գրում եմ Ձեզ և հավատացած եմ, որ կարդում եք: Այդուհանդերձ ինչու° չեք արձագանքում: Երբ Դուք ընդդիմադիր պատգամավոր էիք ( նաև` արդարադատության ներկա նախարար Արտակ Զեյնալյանը), առավել քան որևէ մեկը, քաջատեղյակ եք եղել ցմահ ազատազրկման դատապարտված դատապարտյալների խնդիրներին: Մասնավորապես, Ռոբերտ Քոչարյանի կողմից 2003 թվականի ապօրինի հրամանագրով ցմահ ազատազրկման դատապարտված 42 դատապարտյալների դաժան ճակատագրին և վիճակին տեղյակ եք եղել:

Ձեր ղեկավարած ընդդիմադիր լրատվամիջոց "Հայկական ժամանակը" բազմիցս բարձրաձայնել է այդ խնդիրը: Այդ օրաթերթի կողմից տպագրված իմ բաց նամակի արդյունքում ԱԺ նախկին նախագահ Տիգրան Թորոսյանն այցելեց մահապատժի դատապարտված դատապարտյալներին և հանդիպելով անձամբ ինձ հետ, ծանոթացավ խնդիրներին, արձանագրեց թույլ տրված կոպիտ սխալը: Նա խոստացավ գնալ և պարզել, թե ով է կազմել և Ռ. Քոչարյանին հրամցրել նման ապօրինի հրամանագիր:

Պարոն Փաշինյա'ն, Դուք այն բացառիկ պատգամավորներից մեկն եք, ով տարբեր տարիների, երբ մահապատժի դատապարտված դատապարտյալները դիմում էին ճարահատյալ հուսահատ միջոցի` հացադուլի (Դուք և Նաիրա Զոհրաբյանը ), այցելում էիք մեզ և հորդորում, որ դադարեցնենք հացադուլը, խոստանալով հարցը բարձրացնել ԱԺ - ում: Մեծարգո պարոն վարչապետ, Դուք այսօր Աստծու կամոք ՀՀ թիվ մեկ այն ղեկավարն եք, որ այդ հարցը բարձրացնելու կարիք այլևս չկա: Դուք իրավասու եք լուծելու այն` ինչպես ցանկանաք, և ես՝ Ստեփան Գրիգորյանս, ուզում եմ հասկանալ, Ձեզ ի°նչ պատահեց: Նոր գործիքակազմ հորինելու անհրաժեշտություն չկա: 2003 թվականին ընդունված ՀՀ քրեական նոր օրենսգիրքը գործողության մեջ դնող կարգն արգելում է նոր օրենսգրքի խստացված դրույթները տարածել նախկինում ծանր հանցագործություն կատարած անձանց վրա:

Դա նաև սահմանադրական նորմ է, այդ մասին բազմիցս իրենց դիրքորոշումն են հայտնել բազմաթիվ հանրաճանաչ իրավաբաններ, իրավապաշտպաններ, գրագետ մարդիկ: Կամա թե ակամա մենք էլ ենք դարձել իրավաբան: Պարոն Փաշինյա'ն, ինչու° չեք հանձն առնում լուծելու այդ խնդիրը, վերացնելու թույլ տրված ապօրինությունը և անարդարությունը: Մենք ամեն օր վայրկյաններն ենք հաշվում և սպասում Ձեր արդարամիտ որոշմանը: Հույս ունեմ, որ սա կլինի իմ վերջին հորդոր - բաց նամակը Ձեզ. մենք էլ մարդ ենք, տառապում ենք:

Հարգանքով` մահապատժի և ցմահ ազատազրկման դատապարտված դատապարտյալ ՍՏԵՓԱՆ ԳՐԻԳՈՐՅԱՆ, 11 մայիսի 2019 թ.

Այս թեմայով Իրականում ինչու է Փաշինյանի որդին՝Աշոտը,ներկա Լևոնի ու Էվելինայի հարսանիքին.ինչ կապ կա նրանց մեջ «Հրապարակ». ՔՊ-ն Վարդան Ղուկասյանի հարցերը լուծելու ճանապարհներ է գտել Ինչու Նարեկ Նալբանդյանը չի վճարում «Օազիս» սուպերմարկետների ցանցի 60 մլն դրամ պարտքը. «Հետք» ԼՂ-ն մերժեց մասնակցել Սոֆիայի հանդիպմանը, հիմա մեզնից ի՞նչ են ուզում, ձե՞ռ են առնում, չեմ հասկանում. Արարատ Միրզոյան ՀՐԱՏԱՊ. Հայտնի փաստաբանը բանկերում կատարվող զեղծարարության մասին շտապ հայտարարությամբ է հանդես եկել