Ադրբեջանը Օլիմպիական խաղերին մասնակցում է դաղստանցի վարձկաններով

Ռիոյում այս օրերին ընթացող 31-րդ ամառային Օլիմպիական խաղերին ով-ով, բայց պարզվում է, որ մեր ոխերիմ հարեւան Ադրբեջանն ամենեւին էլ իր մարզիկներով պարծենալու տեղ չունի: «Իրավունքը» ուշագրավ մանրամասներ է բացահայտել Ադրբեջանը ներկայացնող մարզիկների մասին: Նրանցից մեծ մասն ուղղակի օտարազգի վարձկաններ են, որոնք Ռիոյում հանդես են գալու ադրբեջանական դրոշի ներքո տարբեր մարզաձեւերում ու փորձելու են պարզերես անել անճարակ Ադրբեջանին Օլիմպիական խաղերում: Եվ այսպես դաղստանցի բլոգեր Զարեմ Աբդուրագիմովի հրապարակած տվյալների հիման վրա` մեզ հաջողվեց պարզել, որ վերոնշյալ մարզիկ-վարձկաններից առնվազն 8-ը դաղստանցի են: Եվ այսպես` նրանց ներկայանցում ենք անուն առ անուն եւ Օլիմպիական խաղերի ընթացքում նրանց տեսնելու համապատասխան ժամանակացույցը.

ԱԶԱՏ ՈՃԻ ԸՄԲՇԱՄԱՐՏ

Օգոստոսի 19 – 21-ը

Շարիպ Շարիպով (86 կգ) – Օլիմպիական չեմպիոն (2012), աշխարհի չեմպիոն (2011), աշխարհի առաջնության բրոնզե մեդալակիր (2009), Եվրոպայի առաջնության արծաթե եւ բրոնզե մրցանակակիր (2010, 2011):

Ջամալուդին Մահամեդով (125 կգ) – աշխարհի առաջնության արծաթե եւ բրոնզե մեդալակիր (2015, 2011), Եվրոպական առաջին ամառային խաղերի բրոնզե մեդալակիր (2015) եւ Եվրոպայի առաջնության չեմպիոն (2011, 2013):

ԲՌՆՑՔԱՄԱՐՏ

Օգոստոսի 14-21-ը

Ալբերտ Սելիմով (60 կգ ) – աշխարհի չեմպիոն (2007), աշխարհի առաջնության արծաթե եւ բրոնզե մրցանակակիր (2015, 2009), Եվրոպայի կրկնակի չեմպիոն (2006, 2010), Եվրոպական առաջին ամառային խաղերի հաղթող (2015):

Աբդուլկադըր Աբդուլաեւ (91 կգ) – Եվրոպական առաջին ամառային խաղերի հաղթող (2015):

Մահոմեդրասուլ Մեջիդով (91 կգ) – Օլիմիպիական խաղերի բրոնզե մեդալակիր (2012), աշխարհի կրկնակի չեմպիոն (2011, 2013), Եվրոպայի չեմպիոն (2013):

ԹԵՔՎԱՆԴՈ

Օգոստոսի 17 – 20-ը

Ռադիկ Իսաեւ (80 կգ) – աշխարհի չեմպիոն (2015), Եվրոպական առաջին ամառային խաղերի հաղթող (2015):

Պատիմատ Աբակարովա (49 կգ) – Եվրոպայի առաջնության եզրափակչի մասնակից (2016), Եվրոպական առաջին ամառային խաղերի բրոնզե մրցանակակիր (2015):

Նյութը` ՀՐԱՆՏ ՍԱՐԱՖՅԱՆԻ

Այս թեմայով Ադրբեջանում հավատարմագրված դիվանագիտական կորպուսի ներկայացուցիչներն այցելել են Լեռնային Ղարաբաղ Ադրբեջանն ու Հայաստանը համաձայնության են եկել․ Բայրամով ՀՀ-ի ու Ադրբեջանի ընկերությունների միջև արդեն գործարքներ կան, կլինի հայտարարություն Ադրբեջանն ու Ուզբեկստանը Հավերժական բարեկամության համաձայնագիր են ստորագրել Առաջիկայում ՀՀ-ից արտահանումներ կլինեն դեպի Ադրբեջան․ Նիկոլ Փաշինյան