Կոնստանտին Օրբելյանն ու Պլասիդո Դոմինգոն հանդիպել են ԱՄՆ-ում

Ապրիլի 7-ին Ա. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը Նյու Յորքում ներկա է գտնվել OPERA NEWS մրցանակաբշխությանը: 
Նախատեսված է Կ. Օրբելյանի աշխատանաքային հանդիպումը Մետրոպոլիտեն օպերայի գլխավոր տնօրեն Պիտեր Գելբի հետ: Նախաձեռնությունը Պ. Գելբինն է, ով ցանկություն է հայտնել համագործակցության ծրագրեր մշակել Հայաստանի օպերային թատրոնի և Մետրոպոլիտեն օպերայի մեջև: Նյու Յորքում Կ. Օրբելյանը բանակցություններ է ունենալու խաչատրյանական բալետային ներկայացումների հյուրախաղերը կազմակերպելու նպատակով: 

 Աշխատանքային այցի շրջանակում Սան Ֆրանցիսկոյի Օպերային թատրոնում Կ. Օրբելյանը քննարկելու է համագործակցության հնարավոր տարբերակները, որոնց շարքում առաջնային կարևորություն ունի Ա. Տիգրանյանի «Անուշ» օպերայի նոր բեմադրության հյուրախաղային ցուցադրությունների կազմակերպումը:

Աշխատանքային այցի շրջանակում մաեստրո Կոնստանտին Օրբելյանը հանդիպումներ է ունեցել նաեւ Լինդեմենի երիտասարդ արտիստների զարգացման ծրագրի տնօրեն Սոֆի Ջոյսի, Մետրոպոլիտեն օպերայի երաժշտական ղեկավար-գլխավոր դիրիժոր Յանիկ Նեզեթ-Սեգուինի, Մետրոպոլիտեն օպերայի հաղորդակցության գծով տնօրեն Լի Աբրահամյանի հետ: 
Տեղի է ունեցել հանդիպում նաև աշխարհահռչակ օպերային երգիչ Պլասիդո Դոմինգոյի հետ: Դոմինգոն հայտնել է հայ ժողովրդի նկատմամբ իր ունեցած մեծ սիրո մասին ակնկալելով, որ կրկին առիթ կլինի Հայաստան այցելելու:

Այս թեմայով Պապիկյանը հանդիպել է Իրանի պաշտպանության և զինված ուժերի աջակցման նախարարի հետ Ռուբիո. Թրամփը ձգտում է հնարավորինս շուտ հանդիպել Պուտինի հետ Ուկրաինական ուժերը «ծանր բարդությունների» են հանդիպել Պոկրովսկի և Կոնստանտինովկայի ուղղություններում. Ուկրաինացի վերլուծաբաններ (Քարտեզ) Ալիևը Բաքվում հանդիպել է Թուրքիայի պաշտպանության նախարարի հետ Հաջիևը հանդիպել է Իրանի փոխարտգործնախարարի հետ