Լարված ու պայթյունավտանգ իրավիճակ է ստեղծվել Արամուս գյուղում

Այսօր՝ մարտի 22-ին, լարված ու պայթյունավտանգ իրավիճակ է ստեղծվել Կոտայքի մարզում։ Ինչպես հայտնում է  Shamshyan.com-ը՝ վաղ առավոտվանից Արամուս գյուղի Վլադիկ Առաքելյանի անվան միջնակարգ դպրոցում սկսվել է դասադուլ, և երեխաները, ծնողներն ու ուսուցչական ողջ անձնակազմը պահանջում են, որպեսզի դպրոցի տնօրեն նշանակվի երկար տարիներ նույն դպրոցում փոխտնօրեն աշխատած Անդրեյ Փիլիպոսյանը։

Այս պահին դպրոցի բակում են հավաքվել երեխաները, ծնողներն ու ուսուցչական կազմը և վանկարկում են, որ իրենք տնօրեն են ուզում Ա. Փիլիպոսյանին։ Օրեր առաջ նշված դպրոցում տնօրենի ընտրություն է տեղի ունեցել, և թեկնածուներից մեկը եղել է Ա. Փիլիպոսյանը, իսկ մյուս թեկնածուն՝ Նոնա Պողոսյանը, ով Աբովյան քաղաքի բնակիչ է և աշխատել է Աբովյանի թիվ 10 դպրոցում՝ որպես դասվար և նրա թեկնածությունը, հավաքվածների ասելով, առաջ է քաշել Կոտայքի մարզպետ Ռոմանոս Պետրոսյանը։ Ընտրությունների 2 փուլերի արդյունքում թեկնածուները հավաքել են 4-ական ձայն, սակայն դպրոցի կոլեկտիվը նամակ-դիմումով խնդրել է փոխվարչապետին, որպեսզի տնօրեն նշանակվի Ա. Փիլիպոսյանը։

Այս պահին դպրոցում դասապրոցեսը խաթարվել է, սակայն Ա. Փիլիպիոսյանը հորդորում է երեխաներին, որպեսզի նրանք անցնեն դասարաններ և դասապրոցեը շարունակվի։ Երեխաներն ասում էին, որ իրենք հարգում են Ա. Փիլիպոսյանին, ընդունում նրա խոսքը, սակայն ուզում են, որպեսզի Կոտայքի մարզետն ու կառավարությունը հարգեն իրենց կարծիքը «Մենք պահանջում ենք, որպեսզի տնօրեն նշանակվի Ա. Փիլիպոսյանը, ով ողնուծուծով նվիրված է դպրոցին, նվիրված է աշակերտներին և իր գործի գիտակն է»։ 

Մանրամասները՝ սկզբնաղբյուր կայքում:

Այս թեմայով Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Երկրորդ շանս բնությունը չի սիրում. Բռնի տեղահանումից երկու տարի անց վերքերը արյունահոսում են նույն ուժգնությամբ Զգուշացում.Ասատուր Ասատրյանի անվամբ կեղծ հաղորդագրություններ են ուղարկվում Ոչխարների սպանդ Արգինա գյուղում «Նա իրավունք ունի պատարագի մասնակցել». թեմի առաջնորդը՝ Խաչիկ գյուղում վարչապետի հետ պատարագի մասնակցելու մասին