Ազգային ժողովը «վայելում է» հանրության ընդամենը 21.63%-ի վստահությունը

Ազգային ժողովի յոթերորդ գումարման պատգամավորների մանդատների հանձնման արարողությունից մինչեւ այսօր Iravunk.com-ում հարցում էր անցկացվում, թե ինչ ակնկալիքներ ունի մեր հանրությունը նոր ձեւավորված խորհրդարանից: Ամփոփելով հարցման արդյունքները՝ հիշեցնենք, որ կայքում ներկայացված էր 10 պատասխան, որից սոցհարցման մասնակիցներն ընտրել էին իրենց սպասումներին ամենահամապատասխանողը: Ձեւավորված պատկերը հուշում է, որ հանրության սպասումների փոխարեն ավելացել են մարդկանց մտահոգությունները:

Այսպիսով՝ հարցմանը մասնակցել է շուրջ 1595 մարդ, որոնցից ընդամենը 21.63 %-ն է համոզված, որ նոր Ազգային ժողովը կլավացնի մեր կյանքը: 3.57 %-ն արդեն հիասթափված է եւ ակնկալիքներ չունի: 1.32 %-ը հորդորում է՝ «թողենք, թող աշխատեն, հետո կերեւա», 0.94 %-ն էլ դեռ զերծ է մնում որեւէ կարծիք հայտնելուց: Իսկ 2.07 %-ը գտնում է, որ այս անփորձ կազմով ԱԺ յոթերորդ գումարման խորհրդարանը կտապալվի: 0.75%-ի գնահատմամբ՝ առանց իրական ընդդիմության, նորընտիր խորհրդարանը չի կարողանա գործել: Եվ ընդամենը 0.25 %-ն է լավատես եւ կարծում է, որ նոր Ազգային ժողովը կբարձրացնի մեր երկրի միջազգային հեղինակությունը: Ի դեպ, 0.56 %-ի կարծիքով նորաթուխ պատգամավորները, պարզապես, կխանգարեն ՀՀ վարչապետ Նիկոլ Փաշինյանին: Իսկ 0.76 %-ը եկել է այն եզրահանգման, որ «ոչ մի բան չի փոխվի»: Շուրջ 68.34 %-ն էլ հասկացել է՝ «ավելի վատ կլինի»:

Հիշեցնենք, որ դեռեւս նախորդ տարվա դեկտեմբերի 9-ին կայացած ընտրությունների արդյունքում «Իմ քայլը» դաշինքը ստացավ ընտրության մասնակցածների 70,42 %-iի վստահությունը եւ ձեւավորեց բացարձակ իշխանություն, իսկ այսօր այդ թվին է գրեթե հասնում այն մարդկանց կարծիքն, ովքեր գտնում են, որ ավելի վատ կլինի ՀՀ քաղաքացիների համար իմքայլականների խորհրդարանական իշխանության օրոք:

ՀՐԱՆՏ ՍԱՐԱՖՅԱՆ

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Փաշինյանը նպատակ ունի կտրել թաղման նպաստները Ռուսաստանի հետ մեր հարաբերությունները անխուսափելիորեն փոխվելու են․ Փաշինյան ԵՄ դեսպանները կրկին չեն կարողացել համաձայնության գալ Ռուսաստանի դեմ պատժամիջոցները երկարաձգելու հարցում Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ