«ԱՅՆ ՎԵՐԱԲԵՐՄՈՒՆՔԸ, ՈՐԸ ՑՈՒՑԱԲԵՐՎՈՒՄ Է ԱՐՑԱԽԻ ԵՎ ԱՐՑԱԽԻ ՀԵՐՈՍՆԵՐԻ ՀԱՆԴԵՊ, ԱՆԴՐԱԴԱՐՁԸ ԳՏՆՈՒՄ Է ՀԱՄԱՆԱԽԱԳԱՀՆԵՐԻ ՀԱՅՏԱՐԱՐՈՒԹՅՈՒՆՆԵՐՈՒՄ»

Այն, որ Ար­ցախն ու Հա­յաս­տանն այ­սօր կանգ­նած են հող տալ-չտա­լու հար­ցի առաջ, թե­րեւս հաս­կա­նում են բո­լո­րը: Այս մտա­վա­խու­թյունն առա­վել ցայ­տուն դրսե­ւոր­վեց Ար­ցա­խում ԱԽ հայտ­նի նիս­տի ըն­թաց­քում Նի­կոլ Փա­շի­նյա­նի հնչեց­րած ելույ­թից հե­տո: Այս, ինչ­պես նա­եւ հա­մա­նա­խա­գահ­նե­րի հնչեց­րած հայ­տա­րա­րու­թյան տո­ղա­տա­կե­րի վե­րա­բե­րյալ զրու­ցե­ցինք ՀՀ երկ­րորդ նա­խա­գահ Ռո­բերտ Քո­չա­րյա­նի գրա­սե­նյա­կի ղե­կա­վար քա­ղա­քա­գետ ՎԻԿ­ՏՈՐ ՍՈ­ՂՈ­ՄՈ­ՆՅԱ­ՆԻ հետ: Նա­եւ նկա­տի առ­նե­լով, որ նշվա­ծի հետ կապ­ված Քո­չա­րյա­նը մտա­վա­խու­թյուն­ներ հայտ­նել էր դեռ մինչ Մինս­կի խմբի հա­մա­նա­խա­գահ­նե­րի հայտ­նի հայ­տա­րա­րու­թյու­նը: Այս­պի­սով, Վ.Սո­ղո­մո­նյա­նի գնա­հատ­մամբ.

- Ինչ վերաբերում է վարչապետի ելույթին, ապա, իհարկե, կան հայտնի սկզբունքներ, որոնց շուրջ ընթանում են բանակցությունները: Այդ սկզբունքները, եթե ես ճիշտ հասկացա վարչապետի ելույթից, իր համար ընդունելի են, եւ ինքը չի փորձում դրանք փոխել, եւ հռչակված սկզբունքների հիման վրա պատրաստվում է գնալ բանակցությունների` թեեւ դրանք բանակցություններ չի համարում: Երկրորդ մասը բանակցային ձեւաչափի փոփոխությունն է, որը, ինչքան որ ես հասկանում եմ, այս պահին հնարավոր չէ. համենայնդեպս, համանախագահների հայտարարությունից կարելի է նման եզրակացություն անել: Այն, որ բանակցությունների ձեւաչափը, ի վերջ, ինչ-որ մի փուլում պետք է փոխվի, եւ պետք է ընթանան բանակցություններ Ադրբեջանի եւ Լեռնային Ղարաբաղի հանրապետությունների միջեւ, դա միանշանակ է, որովհետեւ դա է արտահայտում հակամարտության բուն ձւաչափը: Բայց ինչքանով է դա հիմա հնարավոր, ես չգիտեմ: Ամփոփելով խոսքս` կարող եմ ասել, որ կցանկանայի ավելի պարզ մոտեցում լսել իշխանություններից, թե ինչ սկզբունքների հիման վրա եւ ինչ փիլիսոփայությամբ են առաջնորդվելու՝ բանակցություններին մասնակցելիս: Սա մի կողմից, մյուս կողմից, եթե ձեւաչափի, կամ սկզբունքների փոփոխություն է տեղի ունենալու, ինչպես որ հայտարարում են, ապա ի՞նչ ճանապարհով, ինչպե՞ս են դա նրանք անելու: Որովհետեւ դա մեծ նշանակություն ունի. մենք կարող ենք տարբեր ցանկություններ հայտնել, բայց ճանապարհը չիմանալով, դրանք չկարողանանք իրականացնել, ավելին՝ վնաս տալով գործընթացին:

- Եթե ապրիլյան պատերազմից հետո համանախագահները հայտարարեցին, որ բանակցային վերջին փուլին Արցախը պետք է մասնակցի, ապա օրերս արված հայտարարությունում լրիվ հակառակ պատկերն է: Ինչո՞ւ:

-  Գիտեք, դրանք տարբեր գործընթացների արդյունք են: Ապրիլյան պատերազմից հետո պարզ դարձավ, որ Ադրբեջանը խիստ հակակառուցողական դիրքերից է հանդես գալիս, եւ նրա հանդեպ պետք է զսպումների տարբեր մեխանիզմներ կիրառվեն: Եվ համանախագահների այն տարիների հայտարարություններն այդ միտումը եւ այդ մտավախությունը հստակ արտահայտում էին: Հայկական դիվանագիտությունը այն տարիներին կարողացել էր այնպես անել, որ միջազգային հանրությունը հասկացել էր, որ ի դեմս Ադրբեջանի, գործ ունենք, այսպես ասած, կոպիտ ագրեսորի հետ: Այլ խոսքով, հայկական դիվանագիտությունը հասել էր նպատակին: Հիմա ինչո՞ւ է փոխվել այդ տոնայնությունը, դա եւս կարելի է ենթադրել: Որովհետեւ իրադարձությունները, որոնք տեղի են ունենում այսօր ՀՀ-ում, այն վերաբերմունքը, որը ցուցաբերվում է ե՛ւ Արցախի, ե՛ւ Արցախի հերոսների հանդեպ, ինչպես նաեւ մի շարք այլ գործոններ, իրենց անդրադարձը գտնում են համանախագահների հայտարարություններում:

ԻԼՈՆԱ ԱԶԱՐՅԱՆ

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Ադրբեջանում հավատարմագրված դիվանագիտական կորպուսի ներկայացուցիչներն այցելել են Լեռնային Ղարաբաղ Ադրբեջանն ու Հայաստանը համաձայնության են եկել․ Բայրամով ՀՀ-ի ու Ադրբեջանի ընկերությունների միջև արդեն գործարքներ կան, կլինի հայտարարություն Բելլա Քոչարյանը, նրա հարսը և անչափահաս թոռները տանն են. Ռ. Քոչարյանի տան խուզարկությունը շարունակվում է