«Նիկոլ Փաշինյանը պետք է լրացուցիչ պարզաբանում տա». Սուրեն Սարգսյան (Տեսանյութ)

Հակառուսական նոր պատժամիջոցների վերաբերյալ օրենսդրական նախաձեռնությամբ են հանդես եկել ԱՄՆ Սենատում, ընդ որում` բավական մտահոգիչ ձեւակերպումներով: Պարզվում է` բանկերի դեմ կիրառվող պատժամիջոցների թիրախում կան նաեւ Հայաստանում գործող ռուսական բանկեր: Այս մասին «Իրավունքը» մանրամասներ պարզեց քաղաքագետ-միջազգայնագետ ՍՈՒՐԵՆ ՍԱՐԳՍՅԱՆԻՑ:

– Պա­րոն Սարգ­սյան, ԱՄՆ-ի հա­կա­ի­րա­նյան պատ­ժա­մի­ջոց­նե­րը չշրջան­ցե­ցին Հա­յաս­տա­նը: Օրի­նակ, Իրա­նի դեմ ԱՄՆ-ի պատ­ժա­մի­ջոց­նե­րի ցու­ցա­կում նե­րառ­վել էր «Մել­լաթ» բան­կի երե­ւա­նյան մաս­նա­ճյու­ղը: Ձեր կար­ծի­քով` կկա­րո­ղա­նա՞նք խու­սա­փել հա­կա­ռու­սաս­տա­նյան պատ­ժա­մի­ջոց­նե­րից:

– Կար­ծում եմ` չենք կա­րո­ղա­նա­լու խու­սա­փել, որով­հե­տեւ եթե Իրա­նի դեպ­քում փոխ­կա­պակց­վա­ծու­թյունն այդ­քան մեծ չէ, ապա Ռու­սաս­տա­նի հետ մենք հա­զա­րա­վոր թե­լե­րով կապ­ված ենք` տնտե­սա­կան, քա­ղա­քա­կան, ռազ­մա­տեխ­նի­կա­կան եւ այլն: Նախ նշեմ, որ հա­կա­ի­րա­նյան պատ­ժա­մի­ջոց­ներն ազ­դե­ցին ոչ մի­այն «Մել­լաթ» բան­կի վրա, այլ նա­եւ` իրա­նա­կան ավի­ա­ու­ղի­նե­րի, որոնք թռիչք­ներ էին իրա­կա­նաց­նում դե­պի Հա­յաս­տան: Այն­պես որ, ամե­րի­կյան պատ­ժա­մի­ջոց­նե­րը հայ-իրա­նա­կան մա­սով բա­վա­կա­նին լուրջ հե­տե­ւանք­ներ կա­րող են թո­ղել մեր տնտե­սու­թյան զար­գաց­ման վրա: Ինչ վե­րա­բե­րում է Ռու­սաս­տա­նի հետ կապ­ված հնա­րա­վոր նոր պատ­ժա­մի­ջոց­նե­րին, ապա այս­տեղ պատ­ժա­մի­ջոց­ներ կի­րառ­վե­լու են նա­եւ բան­կա­յին հա­մա­կար­գի դեմ: Կոնկ­րետ չեմ ու­զում ասել, թե ում մա­սին է խոս­քը, որ բան­կի հետ կապ­ված խնդիր­ներ չլի­նեն, բայց կան Հա­յաս­տա­նում ռու­սա­կան կա­պի­տա­լով ներ­կա­յաց­ված բան­կեր, որոնք պատ­ժա­մի­ջոց­նե­րի ցու­ցա­կում լի­նե­լու են:

– Անդ­րա­դառ­նանք նա­եւ ամս­վա վեր­ջին ՀՀ վար­չա­պետ Նի­կոլ Փա­շի­նյա­նի այ­ցին հա­րե­ւան Իրան: Չե՞ք կար­ծում, որ ու­շա­ցած այց է:

– Իրա­նը մեր բա­րե­կամ եւ հա­րե­ւան պե­տու­թյունն է, որի հետ պետք է անընդ­հատ աշ­խա­տել, այս­տեղ ու­շի կամ շու­տի հարց չէ, այլ անընդ­հատ պետք է լի­նեն բարձր մա­կար­դա­կի հան­դի­պում­ներ, քննար­կում­ներ` տնտե­սա­կան եւ այլ ոլորտ­նե­րում հա­մա­գոր­ծակ­ցու­թյան հե­ռան­կար­նե­րով: Այս­տեղ չա­փա­զանց կա­րե­ւոր է նա­եւ հի­շել, որ սե­պե­տեմ­բեր ամ­սին Ն. Փա­շի­նյա­նը հան­դի­պել է Իրա­նի նա­խա­գա­հին, բայց Նյու Յոր­քում` ՄԱԿ-ի գլխա­վոր ասամբ­լե­ա­յի շրջա­նա­կում: Այն­պես որ, այո, սա առա­ջին այցն է, բայց առա­ջին հան­դի­պու­մը չէ, եւ հույս ու­նեմ, որ Իրա­նի հետ մեր հա­րա­բե­րու­թյուն­նե­րը կկա­րո­ղա­նանք զար­գաց­նել թե՛ տնտե­սա­պես, թե՛ քա­ղա­քա­կա­նա­պես: Մի­եւ­նույն ժա­մա­նակ, հաշ­վի առ­նե­լով, որ Իրանն այ­դու­հան­դերձ շա­րու­նա­կում է գտնվել մի­ջազ­գա­յին հան­րու­թյան ճնշման ներ­քո` մաս­նա­վո­րա­պես` ԱՄՆ-ի,  պետք է զգույշ աշ­խա­տենք Իրա­նի մեր գոր­ծըն­կեր­նե­րի հետ, որ­պես­զի չհայտն­վենք ամե­րի­կյան պատ­ժա­մի­ջոց­նե­րի ներ­քո: Իսկ ամե­րի­կյան պատ­ժա­մի­ջոց­նե­րը ցանց են, այ­սինքն` եթե այս­տեղ դրված է պատ­ժա­մի­ջոց, իսկ դու հա­մա­գոր­ծակ­ցում ես նրա հետ, մի­ան­գա­մից դու էլ ես հայտն­վում այդ պատ­ժա­մի­ջո­ցի տակ: Շատ բարդ մե­խա­նիզմ է, պետք է հնա­րա­վո­րինս զգույշ լի­նել:

– Ի դեպ, զգու­շա­վո­րու­թյան մա­սին. նախ Նի­կոլ Փա­շի­նյա­նը հայ­տա­րա­րում է, թե չի բա­ցա­ռում, որ Իրա­նի հետ սահ­մա­նը կա­րող է փակ­վել, իսկ դրան հա­ջոր­դում է իր խմբակ­ցու­թյան պատ­գա­մա­վոր Հայկ Կոն­ջո­րյա­նի հայ­տա­րա­րու­թյու­նը, թե Իրա­նը տո­տա­լի­տար բնույ­թի եր­կիր է:  Ըստ Ձեզ` բա­ցա­սա­կան այս ազ­դակ­նե­րը հա­սե՞լ են Իրան:

– Իհար­կե հա­սել են, որով­հե­տեւ, ինչ­պես ցան­կա­ցած պե­տու­թյուն, Իրա­նը նույն­պես իր հա­րե­ւան­նե­րի հան­րա­յին քննար­կում­նե­րին, քա­ղա­քա­կան գնա­հա­տա­կան­նե­րին, բնա­կա­նա­բար, հե­տե­ւում է: Եվ եթե պատ­գա­մա­վո­րի հայ­տա­րա­րու­թյա­նը հա­ջոր­դեց այն, որ նա հեր­քեց կամ նե­րո­ղու­թյուն խնդրեց, լավ չեմ հի­շում, ապա, ճիշտն ասած, չգի­տեմ, թե ինչ նկա­տի ու­ներ վար­չա­պե­տը` ասե­լով, որ հայ-իրա­նա­կան սահ­մա­նը կա­րող է փակ­վել: Եթե տե­սա­կան ինչ-որ մո­տե­ցում էր սա, ու­րիշ հարց է, իսկ եթե պրակ­տիկ ինչ-որ մի բա­նից բխող հայ­տա­րա­րու­թյուն էր, այլ հարց է, որին պետք է լրա­ցու­ցիչ պար­զա­բա­նում տալ, եթե անհ­րա­ժեշ­տու­թյուն լի­նի:

ՀՐԱՆՏ ՍԱ­ՐԱ­ՖՅԱՆ

Հ.Գ.- Հարցազրույցն ամբողջությամբ դիտեք տեսանյութում.

Այս թեմայով Իրանի գլխավոր օդանավակայանը շարունակում է լիարժեք գործել՝ չնայած ԱՄՆ պատժամիջոցներին Իրանը չի վստահում ԱՄՆ-ի հետ բանակցություններին՝ հարձակումներից և պատժամիջոցներից հետո Աշխարհը գտնվում է գլոբալ նավթային ճգնաժամի եզրին՝ ԱՄՆ-Իրան երկարատև պատերազմի պատճառով. Bloomberg Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Սերժ Սարգսյանը շեշտել է արժեքների վրա խարսխված քաղաքականություն իրականացնելու կարևորությունը