Steinway արտիստ Օլգա Զադոն հանդես կգա Կամերային նվագախմբի հետ

Steinway հանրահայտ ընկերության արտիստ, դաշնակահարուհի Օլգա Զադոն (Ուկրաինա/Գերմանիա) փետրվարի 21-ին Կոմիտասի անվան կամերային երաժշտության տանը հանդես կգա Հայաստանի պետական կամերային նվագախմբի հետ: Զադոն Վլադիմիր Հորովիցի, Սերգեյ Պրոկոֆևի անվան միջազգային մրցույթների դափնեկիր է, ինչպես նաև հատուկ մրցանակի է արժանացել Վլադիմիր Կրայնևի անվան մրցույթում:

Հայաստանյան համերգին Զադոն Կամերային նվագախմբի հետ կներկայացնի Լյուդվիգ վան Բեթհովենի դաշնամուրի և նվագախմբի համար Կոնցերտ թիվ 3-ը:

Երեկոյին կներկայացվեն նաև Ֆելիքս Մենդելսոնի Սիմֆոնիա թիվ 3 (Շոտլանդական) և Էդուարդ Էլգարի Ինտրոդուկցիա և Ալեգրո օp. 47 լարային քառյակի և նվագախմբի համար ստեղծագործությունները: Որպես մենակատարներ կներկայանան նաև ջութակահարներ Աստղիկ Վարդանյանը և Ռազմիկ Հովհաննիսյանը, ալտահար Դավիթ Աբրահամյանը (Իսպանիա), թավջութակահար Հակոբ Աթյանը:

Այս համերգը նվիրված է Կամերային նվագախմբի հիմնադիր Զարեհ Սահակյանցի հիշատակին: Երեկոյի ընթացքում ՀՊԿՆ-ը կղեկավարի դիրիժոր Հմայակ Դուրգարյանը:

Հավելենք, որ երեկոյի մենակատար Օլգա Զադոն եղել է Վլադիմիր Սպիվակովի անվան բարեգործական հիմնադրամի կրթաթոշակառու: Հանդես է եկել այնպիսի հանրահայտ համերգասրահներում, ինչպիսիք են Համբուրգի Էլբֆիլհարմոնիան, Զալցբուրգի Մոցարտեումը և այլն՝ լավագույն նվագախմբերի հետ:

Այս թեմայով Երբ ցանկանում էի խոսել երեխայիս հետ գրական հայերենով, ստիպված էի լսել՝ «Մի՜ հաչա այդ շան լեզվով»․ Անի Օհանյան Թրամփը պատրաստվում է երկամյա դիմակայության դեմոկրատների կողմից վերահսկվող Կոնգրեսի հետ ՀԱՊԿ-ի հետ կապված մեր հետաքրքրությունները սպառված են. Փաշինյան ՆԱՏՕ-ն պատրաստվում է Ռուսաստանի հետ պատերազմի. WSJ Թրամփի պարտությունից հետո ԱՄՆ Սենատի դեմոկրատ առաջնորդը խոստացավ դադարեցնել Իրանի հետ պատերազմը