ԼԱՎԱԳՈՒՅՆ ՇԻՆԱՐԱՐԱԿԱՆ ԸՆԿԵՐՈՒԹՅՈՒՆ Է ՃԱՆԱՉՎԵԼ «ՍՊԻՏԱԿ ՏՆԱԿ» ՍՊԸ-Ն

«Իրավունք» թերթի եւ համանուն կայքի ընթերցողների ակտիվ քվեարկության արդյունքում 2018 թվականին ՀՀ-ում նորարար տեխնոլոգիաների ներդրմամբ եւ միջազգային չափանիշներին համապատասխան շինություններ կառուցելու համար լավագույն շինարարական ընկերություն է ճանաչվել «Սպիտակ տնակ» ՍՊԸ-ն:

«ԱՇԽԱՏՈՂՆԵՐԻ ՇԱՀԸ ՎԵՐ Է ԴԱՍՎՈՒՄ ԱՄԵՆ ԲԱՆԻՑ»

«Պատասխանատու, պատասխանատվությունը գնահատող, շինարարի աշխատանքը հարգող մարդիկ են ընկերությունը ղեկավարում: Աշխատողների շահը վեր է դասվում ամեն բանից, իսկ դա չի կարող չգնահատվել»,- այսպես են ներկայացնում ընկերությունը մեր ընթերցողները: Լավագույնի պատվոգիրը հանձնեցինք  «Սպիտակ տնակ» ՍՊԸ-ի տնօրեն  Տիգրան Սահակյանին, ով բարձր գնահատեց հանրության վստահությունը իրենց կատարած աշխատանքի վերաբերյալ: «Շնորհակալ ենք նման կոչման արժանացնելու համար, հավատացեք այս պատվոգիրը էլ ավելի պարտավորեցնող է մեզ համար լինելու այսուհետ»: Նշենք, որ «Սպիտակ տնակ» շինարարական կազմակերպությունը հիմնադրվել է 2001 թվականին ընկերության նախագահ Ստեփան Ախոյանի կողմից: Ընկերությունն իրականացնում է բնակելի եւ հասարակական համալիրների շինարարություն, ինչպես նաեւ ճարտարապետական, կոնստրուկտորական, դիզայներական եւ վերանորոգման աշխատանքներ: «ՍՊԻՏԱԿ ՏՆԱԿ»-ը իր գործունեության ընթացքում կյանքի է կոչել բազմաթիվ շինարարական նախագծեր (բազմաբնակարան բնակելի շենքեր, բանկեր, հասարակական կառույցներ, հյուրանոցային համալիրներ): Ընկերությունը հանդիսանում է Հայաստանի շինարարական ոլորտի վստահություն վայելող խոշոր ընկերություններից մեկը, որի համբավն ու բարի անունը տարածված է ոչ միայն ՀՀ-ում, այլ նաեւ մեր երկրի սահմաններից դուրս:

«ԱՆԿԱԽ ՏԱՐԲԵՐ ՎԱՅՐԻՎԵՐՈՒՄՆԵՐԻՑ` ԺԱՄԱՆԱԿԻՆ ԵՎ ՈՐԱԿՈՎ ԵՆՔ ԿԱՏԱՐԵԼ ՊԱՏՎԻՐԱՏՈՒՆԵՐԻ ՆԿԱՏՄԱՄԲ ՄԵՐ ՊԱՐՏԱՎՈՐՎԱԾՈՒԹՅՈՒՆՆԵՐԸ»

Իսկ, ո՞րն է ընկերության հաջողության գրավականը, փորձեցինք հետաքրքրվել ընկերության տնօրեն ՏԻԳՐԱՆ ՍԱՀԱԿՅԱՆԻՑ, ով ընկերության հաջողության թերեւս ամենակարեւոր գրավականը հետեւյալը համարեց.

- Ամենակարեւոր հանգամանքը թերեւս պատվիրատուների հանդեպ մեր պարտավորությունները ժամանակին, որակով եւ բոլոր նորմերին համապատասխան հանձնելն է: Շինարարությունը այնպիսի բնագավառ է, որ եւ շատ արագ կարող ես հասնել արդյունքների եւ հակառակը: Դրա համար մենք առաջին հերթին փորձում ենք ամենօրյա ծանրաբեռնվածությամբ ու պատվախնդրությամբ աշխատել` միշտ պատրաստ նոր նախագծերի անվրեպ իրականացմանը: Իսկ շինարարության ընթացքում մշտապես օգտվում ենք նորարար տեխնոլոգիաներից եւ նյութերից` ապահովելով միջազգային չափանիշներին համապատասխան շինություններ: Եվ որ ամենակարեւորն է` աշխատում ենք այնպես անել, որ անկախ տարբեր վայրիվերումներից`  ժամանակին եւ որակով կատարել պատվիրատուների նկատմամբ մեր պարտավորվածությունները: Կարծում եմ, որ սա է, թերեւս «Սպիտակ տնակ» ընկերության այս տարիներին գրանցած հաջողության ամենակարեւոր գրավականը: Ի դեպ, շինարարական այս մեծ ընտանիքի արհեստավարժ անձնակազմի կողմից է իրականացվել նաեւ Վազգեն Սարգսյան 3 հասցեում գտնվող Կառավարական համալիրի շինարարական աշխատանքները:

Հ.Գ. Ընկերության մասին առավել մանրամասներ եւ տնօրենի հետ հարցազրույցն ամբողջությամբ կարող եք դիտել iravunk.com-ի տեսանյութեր բաժնում:

ԻԼՈՆԱ ԱԶԱՐՅԱՆ

Այս թեմայով Աշխարհի լավագույն ակումբի կոչմանը հավակնող հինգ թիմերը Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույն բուհերից մեկում Արցախը այլևս գոյություն չունի, հետևաբար Արցախի ԱԺ-ն էլ որևէ գործունեություն իրականացնելու իրավունք չունի, միանգամայն հիմնավոր չէ ՇՏԱՊ. Հայտնաբերվել են վտանգավոր խաղալիքներ, կասեցվել է վաճառքը ՀՐԱՏԱՊ. Ինչ էր պարզել «Իրավունքը» Սողոմոն Վալսյանի սպանության գործով դեռեւս 2023թ-ին